ପ୍ରତିଫଳନ ମିଡ଼ିଆ
ଭାରତୀୟ ମଜଦୂର ସଂଘ ଦ୍ବାରା ପରିଚାଳିତ ଅଲ୍ ଓଡିଶା ସିଆରପି ସିଏମ ଆସୋସିଏସନ୍ ରାୟଗଡା ଜିଲ୍ଲା ଶାଖାର ନୂତନ କର୍ମକର୍ତା ଚୟନ କରାଯାଇଛି । ସଭାନେତ୍ରୀ ଭାବେ ଭାରତୀ ନାୟକ, ଉପସଭାନେତ୍ରୀ ପଙ୍କଜିନୀ ନାଗ , ସମ୍ପାଦିକା ଗୋଲିଆଥ ବ୍ରେକବେଢ଼ା , ସହ ସମ୍ପାଦିକା ମାଧୁରୀ ଲତା ଅନ୍ଧାର ସିଂ , କୋଷାଧ୍ୟକ୍ଷ ଯାଗାମା ପ୍ରେସିକା , ସଙ୍ଗଠନ ସମ୍ପାଦିକା ସୁସ୍ମିତା ପ୍ରଧାନୀଙ୍କ ସହ ୧୧ ଟି ବ୍ଳକରୁ ୧୧ ଜଣକୁ କାର୍ଯ୍ୟକାରୀ ସଦସ୍ୟ ଭାବେ ଚୟନ କରାଯାଇଥିଲା ।
ସିଆରପି ମାନଙ୍କ ର ଦାବି ପୂରଣ ଓ ବିଭିନ୍ନ ସମସ୍ୟାର ସମାଧାନ କରି ଥିବାରୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସରକାର ଙ୍କୁ ଓ ବିଶେଷ କରି ଉପମୁଖ୍ୟ ମନ୍ତ୍ରୀ ପ୍ରଭାତୀ ପରିଡ଼ା ଙ୍କୁ ସଂଘ ପକ୍ଷରୁ କୃତଜ୍ଞତା ଜଣାଇଛନ୍ତି ।
ସଙ୍ଘର ଆଗାମୀ କାର୍ଯ୍ୟକ୍ରମ ଖସଡ଼ା ପ୍ରସ୍ତୁତ କରିବା ନେଇ ସଂଘ ପକ୍ଷରୁ ବୈଠକ ଅନୁଷ୍ଠିତ ହୋଇଥିଲା । ଉକ୍ତ କାର୍ଯ୍ୟକ୍ରମରେ ଭାରତୀୟ ମଜଦୂର ସଂଘର ରାଜ୍ଯ ଉପସଭାପତି ଯୋଗେଶ୍ଵର ଦାସ ,ମୁଖ୍ଯ ବକ୍ତା ଭାବେ ଅଲ୍ ଓଡିଶା ସିଆରପି ସିଏମ ଆସୋସିଏସନ୍ ର ସାଧାରଣ ସମ୍ପାଦିକା ତୁଳସୀ , ସମ୍ମାନୀୟ ଅତିଥି ଭାବେ ରାୟଗଡ଼ା ଜିଲ୍ଲା ସମ୍ପାଦକ ଗଣେଶ କୁମାର ସାହୁ ଯୋଗଦେଇ ଭାରତୀୟ ମଜଦୂର ସଂଘର ନିତି ନିୟମ ଓ ଆଦର୍ଶ ସଂପର୍କରେ ସଚେତନ କରାଇଥିଲେ । ଏହା ସହ ନିଜେ କର୍ତ୍ତବ୍ଯ ପରାୟଣ ହୋଇ ସଙ୍ଗଠିତ ହୋଇ ଅଧିକାରକୁ ହାସଲ କରାଯାଇ ପାରିବ ସେଥିପାଇଁ ସଦା ଯତ୍ନବାନ୍ ରହିବାକୁ ପରାମର୍ଶ ଦେଇଥିଲେ ।

ଅନ୍ୟମାନଙ୍କ ମଧ୍ୟରେ ସଙ୍ଘର ପ୍ରମୁଖ କର୍ମୀ ଆନନ୍ଦ ରାଉଳ , ପ୍ରଦୀପ କୁମାର ସାହୁ , ତପନ କୁମାର କାଡ୍ରାକାଙ୍କ ସମେତ ରାୟଗଡ଼ା ଜିଲ୍ଲା ର ସମସ୍ତ ବ୍ଳକରୁ କର୍ମୀ ଯୋଗଦେଇଥିଲେ ।