ରାୟଗଡା ଜିଲ୍ଲା ସାମ୍ବାଦିକ ସଂଘର କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି।ଜିଲ୍ଲା ସଭାପତି ବାଦଲ ତାଙ୍କ ସଭାପତିତ୍ବ ରେ ଅନୁଷ୍ଠିତ କାର୍ଯ୍ୟକ୍ରମରେ ସଂଘର ଆଗାମୀ କାର୍ଯ୍ୟକ୍ରମ ସମ୍ପର୍କରେ ବିସ୍ତୃତ ଭାବେ ଆଲୋଚନା ହୋଇଥିଲା । ଗତ ଦିନରେ ସଂଘ ପକ୍ଷରୁ ଜିଲ୍ଲାରେ ଗ୍ରହଣ କରାଯାଇଥିବା ବିଭିନ୍ନ ପ୍ରକାର ସମାଜ କଲ୍ୟାଣ କାର୍ଯ୍ୟକ୍ରମର ବିବରଣୀ ଉପସ୍ଥାପନ କରାଯାଇଥିଲା । ନୂତନ ସଦସ୍ୟ ଗ୍ରହଣ ଓ ସଦସ୍ୟ ନବୀକରଣ ନେଇ ଆଲୋଚନା ହୋଇଥିଲା ।
ଜିଲ୍ଲା ସାମ୍ବାଦିକ ସଂଘ ଜିଲ୍ଲାର ଅଗ୍ରଗତି ଉଲ୍ଲଖନୀୟ ଅବଦାନ ରଖିଆସିଛି । ସଂଘ ତାର ନୀତି ଆଦର୍ଶକୁ କୁ ବଜାଇ ରଖିବା ସହ ଆଭିମୁଖ୍ୟକୁ ସଠିକ ଭାବେ ତୁଲାଇ ଆସି ସ୍ବତନ୍ତ୍ର ପରିଚୟ ସୃଷ୍ଟି କରି ପାରିଛି ।ଏଥିପାଇଁ ସଂଘର ସଭାପତି ଓ ସଦସ୍ୟମାନଙ୍କ ନିରବିଛିନ୍ନ ଉଦ୍ୟମକୁ ବୈଠକରେ ପ୍ରଶଂସା କରିଥିଲେ ଉପଦେଷ୍ଟା କୀର୍ତିଚନ୍ଦ୍ର ସାହୁ । ସଂଘର ସଦସ୍ୟ ତଥା ସାମ୍ବାଦିକମାନେ ଅଂଚଳର ବିଜାଶ ପାଇଁ ଓ ସମସ୍ୟା ଗୁଡିକର ସମାଧାନ ପାଇଁ ତଥ୍ୟ ମୂଳକ ସମ୍ବାଦ ପ୍ରାକଶ କରିବା ନେଇ ମତ ପ୍ରକାଶ ପାଇଥିଲା ।ସାମ୍ବାଦିକଙ୍କ ପରିବାରକୁ ଜରୁରୀ ଚିକିତ୍ସା ସେବା ଉପଲବ୍ଧ କରାଇବା ସହ ଜରୁରୀ ସମୟରେ ଆମ୍ବୁଲାନସ ର ସୁବିଧା ଉପଲବ୍ଧ କିପରି କରାଯାଇପାରିବ ସେଥିନେଇ ଆଲୋଚନା ହୋଇଥିଲା ।
ସରକାରୀ ଯୋଜନା ର ସଫଳ କାର୍ଯ୍ୟକାରିତା ପାଇଁ ସକରାତ୍ମକ ମନୋଭାବ ରଖି ପ୍ରଶାସନର ଦୃଷ୍ଟି ଆକର୍ଷଣ କରିବାକୁ ଗୁରୁତ୍ବ ଦିଆଯାଇଥିଲା । ସାଧାରଣ ସମ୍ପାଦକ ରବିନ୍ଦ୍ର ପାଟଖଣ୍ଡାଳ ସଂଘର କାର୍ଯ୍ୟକ୍ରମ ସମ୍ପର୍କରେ ତଥ୍ୟ ଉପସ୍ଥାପନ କରିଥିଲେ
କୋଷାଧ୍ୟକ୍ଷ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକାରିଣୀ ବୈଠକରେ ସଂଘର ଉପଦେଷ୍ଟା କୀର୍ତିଚନ୍ଦ୍ର ସାହୁ,ବିଜୟ ମିଶ୍ର
ଅଜୟ ରଥଙ୍କ ସମେତ ବହୁ ସଦସ୍ୟ ଉପସ୍ଥିତ ରହି
ନିଜର ମତାମତ ରଖିଥିଲେ ।
