ଲୋକଙ୍କ ଭଲ ପାଇଁ ନୁହେଁ ନିଜ ସ୍ବାର୍ଥ ପାଇଁ ଏଭଳି କରୁଛନ୍ତି କହିଲେ ପରିବେଶବିତ୍ ପ୍ରଫୁଲ୍ଲ ସାମନ୍ତରା
ପ୍ରତିଫଳନ ମିଡ଼ିଆ
କୋଡ଼ିଙ୍ଗାମାଳିରୁ ଖଣି ଖନନ ଓ ପରିବହନକୁ ନେଇ ଆନ୍ଧ୍ର କମ୍ପାନୀକୁ ବିରୋଧ ଘଟଣାକୁ ନେଇ ଚର୍ଚ୍ଚା ଜୋର ଧରିଛି ।ଏଭଳି ଦାବି ରଖି ବିରୋଧ କରୁଥିବା ସଙ୍ଗଠନ ଓ ନେତୃତ୍ୱଙ୍କ ଆଭିମୂଖ୍ୟକୁ ବିରୋଧ କରିଛନ୍ତି ବିଶିଷ୍ଟ ପରିବେଶବିତ ପ୍ରଫୁଲ୍ଲ ସାମନ୍ତରା ଓ କୋଡିଙ୍ଗା ମାଳି ସୁରକ୍ଷା ମଂଚର ନେତା ପ୍ରଦୀପ ବାଘ ।
। ଖଣି ଖନନ ଦ୍ଵାରା ସେ ଅଞ୍ଚଳର ଲୋକଙ୍କ ଜୀବନ ଜୀବିକା ବିପନ୍ନ ହୋଇଯାଉଛି। ଏହାକୁ ସମସ୍ତେ ହୃଦବୋଧ କରିବା ଉଚିତ୍ ବୋଲି ସେ କହିଛନ୍ତି । କୋଡ଼ିଙ୍ଗାମାଳି ରୁ କମ ଦରରେ ବେଦାନ୍ତ ଖଣି ଖନନ କରି ପରିବହନ କରି ଆସୁଛି ଏହାକୁ କୌଣସି ଆପତି ନାହିଁ । ଆଗରୁ ଯେଉଁଭଳି ପରିବହନ ହେଉଥିଲା ସେଭଳି ହେଉ । ହେଲେ ଟନ ପିଛା ଅଧିକ ଦାମ ଦେଇ ବକ୍ସାଇଟ କିଣିବାକୁ ପ୍ରସ୍ତୁତ ଥିବା ନୂଆ କମ୍ପାନୀ ବକ୍ସାଇଟ ପରିବହନ କଲେ ଚଳିବ ନାହିଁ। ଏଭଳି ଦାବି ରଖି କିଛି ସଙ୍ଗଠନ ବିରୋଧ କରୁଛନ୍ତି । ଏଭଳି ଦାବି ରଖି ବିରୋଧ କରାଯାଉଥିବା ଘଟଣାକୁ ନେଇ ଏବେ ଲକ୍ଷ୍ମୀପୁର ସମେତ ଜିଲ୍ଲା ବ୍ୟାପି ସବୁଠି ଚର୍ଚା । ଏଭଳି ଦାବି ଜନସ୍ବାର୍ଥ ବିରୋଧୀ ଓ ପ୍ରାକୃତିକ ସମ୍ପଦର ସୁରକ୍ଷା ବିରୋଧୀ । ବିରୋଧୀ କରୁଥିବା ବ୍ୟକ୍ତି ଓ ସଂଗଠନ ଗୁଡ଼ିକ ଲୋକଙ୍କ ଭଲ ପାଇଁ ଚିନ୍ତା କରୁନାହାନ୍ତି ବରଂ ପ୍ରକୃତି ଓ ପରିବେଶର ବିରୋଧୀ ।ନିଜର ସ୍ବାର୍ଥ ହାସଲ ପାଇଁ ଏଭଳି କରୁଛନ୍ତି ବୋଲି ଅଭିଯୋଗ କରିଛନ୍ତି ବିଶିଷ୍ଟ ପରିବେଶବିତ ପ୍ରଫୁଲ୍ଲ ସାମନ୍ତରା ଓ କୋଡିଙ୍ଗାମାଳି ସୁରକ୍ଷା ମଂଚର ପ୍ରଦୀପ ବାଘ କହିଛନ୍ତି ।
ପ୍ରକୃତରେ ସେ ଅଞ୍ଚଳର ଓ ଲୋକଙ୍କର ଭଲ ପାଇଁ ଯଦି ଆନ୍ଦୋଳନକାରୀମାନେ ଚାହୁଁଛନ୍ତି ତେବେ ଖଣି ଖନନକୁ ସମ୍ପୂର୍ଣ୍ଣ ବିରୋଧ କରିବା ଉଚିତ୍ ହୁଅନ୍ତା ବୋଲି ସେ କହିଛନ୍ତି । ତାହା ନକରି ଆନ୍ଧ୍ର କମ୍ପାନୀ ଖଣି ଖନନ ଓ ପରିବହନ କଲେ ବିରୋଧ କରାଯିବା କହିବା ଘଟଣାକୁ ନେଇ ସଙ୍ଗଠନ ଗୁଡ଼ିକର ସ୍ବଚ୍ଛତା କୁ ନେଇ ପ୍ରଶ୍ନବାଚୀ ସୃଷ୍ଟି କରୁଛି ବୋଲି ସାମନ୍ତରା ଓ ପ୍ରଦୀପ ବାଘ କହିଛନ୍ତି । ପ୍ରକୃତରେ ଯଦି ଖଣି ଖନନକୁ ଆନ୍ଦୋଳନକାରୀମାନେ ବିରୋଧ କରିବାର ଅଛି ବେଦାନ୍ତ କମ୍ପାନୀ ସମେତ ସବୁ କମ୍ପାନୀକୁ ବିରୋଧ କରନ୍ତୁ । ସମାଜ ଆଗରେ ନିଜର ସ୍ବଚ୍ଛତା ପ୍ରତିପାଦିତ କରନ୍ତୁ ବୋଲି ସେ ଆହ୍ବାନ କରିଛନ୍ତି । କୋଡିଙ୍ଗାମାଳିରୁ ଖଣି ଖନନ ପାଇଁ ବେଦାନ୍ତକୁ ସମର୍ଥନ ଓ ଆନ୍ଧ୍ର କମ୍ପାନୀକୁ ବିରୋଧ କରିବାର ଉଦ୍ଦେଶ୍ୟ କଣ ବୋଲି ଆନ୍ଦୋଳନକାରୀଙ୍କ ଆଭିମୁଖ୍ୟକୁ ନେଇ ପ୍ରଶ୍ନ ଉଠାଇଛନ୍ତି ।
ଓଡ଼ିଶା ଖଣି ନିଗମ ଅଧୀନରେ ରହିଛି କୋଡ଼ିଙ୍ଗାମାଳି ବକ୍ସାଇଟ ଖଣି । କୋଡ଼ିଙ୍ଗା ମାଳିରୁ ବକ୍ସାଇଟ ପରିବହନ କରିବାକୁ ଖଣି ନିଗମ ସହ ବେଦାନ୍ତ କମ୍ପାନୀ ଚୁକ୍ତି କରି ପରିବହନ କରୁଛି । ବେଦାନ୍ତକୁ ବକ୍ସାଇଟ ଯୋଗାଇବାର ଦାୟିତ୍ବ ଏବେ ଆନ୍ଧ୍ରର ଏକ କମ୍ପାନୀ କରୁଛି । କିନ୍ତୁ ବର୍ତ୍ତମାନର କମ୍ପାନୀକୁ ବିରୋଧି ବିରୋଧ କରୁନାହାନ୍ତି । ନୂଆରେ ଆସିବାକୁ ଥିବା ଆଉ ଏକ ଆନ୍ଧ୍ର କମ୍ପାନୀ ଅଧିକା ଦମ୍ ଦେଇ ଖଣି ଖନନ ଓ ପରିବହନ କରିବା ପାଇଁ ଚୁକ୍ତି କରିଥିବା ଶୁଣିବାକୁ ମିଳୁଛି । ଏହାକୁ କିଛି ସଙ୍ଗଠନ ବିରୋଧ କରୁଛନ୍ତି । ଅପରପକ୍ଷେ ଗ୍ରାମସଭା ଓ ପଲ୍ଲୀସଭା କରି ଯିଏ ଅଧିକ ଟଙ୍କା ଦେଇ ବକ୍ସାଇଟ୍ କିଣିବ ତାକୁ ସୁଯୋଗ ଦେବାକୁ ସମର୍ଥନ ଜଣାଇଛି କୋଡିଙ୍ଗାମାଳି ସୁରକ୍ଷା ମଞ୍ଚ ।ବେଦାନ୍ତକୁ ବକ୍ସାଇଟ ପରିବହନ ଜାରି ରହିଲେ କଂସାରିଗୁଡ଼ା ଠାରେ ପ୍ରତିଷ୍ଠା ହେବାକୁ ଯାଉଥିବା ଆଲୁମିନା ରିଫାଇନାରି ପ୍ରକଳ୍ପ ପାଇଁ କିଛି ଅସୁବିଧା ନାହିଁ । କିନ୍ତୁ ଆନ୍ଧ୍ର କମ୍ପାନୀ ପରିବହନ କଲେ କଂସାରିଗୁଡ଼ା ପ୍ରକଳ୍ପର ଭବିଷ୍ୟତ ଅନ୍ଧକାର ହୋଇଯିବା ଆଶଙ୍କା ରହିଛି ବୋଲି ଯେଉଁମାନେ କହୁଛନ୍ତି , ତାଙ୍କର ଉଦ୍ଭଟ ଚିନ୍ତାଧାରା ବୋଲି ଜଣାପଡ଼ୁଛି । ନିର୍ଦ୍ଦିଷ୍ଟ କୌଣସି ଏକ ସଂସ୍ଥା କୁ ସମର୍ଥନ କରୁଥିବା ସନ୍ଦେହ ସୃଷ୍ଟି କରୁଛି ବୋଲି କୋଡିଙ୍ଗାମାଳି ସୁରକ୍ଷା ମଞ୍ଚ ର ଆବାହକ ପ୍ରଦୀପ ବାଘ କହିଛନ୍ତି । କୋଡିଙ୍ଗାମାଳି ସୁରକ୍ଷା ମଞ୍ଚ ପକ୍ଷରୁ ଖଣି ଖନନକୁ ବିରୋଧ କରି ଆଞ୍ଚଳିକ ଖଣି ନିଗମ ଅଧିକାରୀଙ୍କୁ ଦାବି ପତ୍ର ପ୍ରଦାନ କରାଯାଇଛି ।ଅଦ୍ୟାବଧି ବେଦାନ୍ତ କମ୍ପାନୀ ଅଞ୍ଚଳର କୌଣସି ବିକାଶ କରିନାହିଁ । ନୁଆ କମ୍ପାନୀ ଆସିଲେ ପ୍ରତିଦ୍ବନ୍ଦିତା ହେବ ।ଅଞ୍ଚଳର ଲୋକେ ଉପକୃତ ହେବେ ।ଏହାକୁ ସ୍ଵାଗତ କରିବୁ ବୋଲି ସୁରକ୍ଷା ମଞ୍ଚର ଆବାହକ ପ୍ରଦୀପ ବାଘ ଦୃଢତାର ସହ କହିଛନ୍ତି ।
ଆନ୍ଦୋଳନ କରୁଥିବା ସଙ୍ଗଠନ ଓ ବ୍ୟକ୍ତିମାନେ ଯେଉଁଭଳି ଦାବି ରଖୁଛନ୍ତି ତାହା କେବଳ ନିଜର ସ୍ୱାର୍ଥ ହାସଲ ପାଇଁ ବୋଲି ସେ ଅଭିଯୋଗ କରିଛନ୍ତି।ପଲ୍ଲୀସଭା ଓ ଗ୍ରାମସଭାରେ ଅନୁମୋଦନ କରି ନୂତନ କମ୍ପାନୀ ଦ୍ଵାରା ଖଣି ଖନନ ଓ ପରିବହନ କରାଇବା । କ୍ଷତିଗ୍ରସ୍ତ ଓ ପ୍ରଭାବିତ ଲୋକଙ୍କ ଜୀବନ ଜୀବିକାର ସୁରକ୍ଷା ଯୋଗାଇଦେବା, ଅଞ୍ଚଳର ବିକାଶ କରିବା ପରିବେଶର ସୁରକ୍ଷା ପ୍ରତି ଦୃଷ୍ଟି ଦେବା , ବେକାରୀଙ୍କୁ ନିଯୁକ୍ତି ଦେବାର ନିଶ୍ଚିତ ବ୍ୟବସ୍ଥା କରିବା ପାଇଁ ଦାବି ରଖି ଲକ୍ଷ୍ମୀପୁର ସ୍ଥିତ ଖଣି ନିଗମର ଆଞ୍ଚଳିକ ଅଧିକାରୀଙ୍କୁ ଦାବି ପତ୍ର ପ୍ରଦାନ କରିଥିଲେ ।
