ପୋଲିସର ଶାଣିତ ଅପରେସନରେ ମାଓବାଦୀ ଭୟଭୀତ !
ପ୍ରତିଫଳନ ମିଡ଼ିଆ
ଏବେ ହିଂସା ନାହିଁ ଶାନ୍ତି ଚାହୁଁ । ହିଂସାର ପଥ ପରିତ୍ୟାଗ କରି ଶାନ୍ତି ଆଲୋଚନା ପାଇଁ ପ୍ରସ୍ତୁତ ଅଛୁ ବୋଲି ମାଓବାଦୀ ଚିଠିରେ ଜଣାଇଛନ୍ତି । ଛତିଶଗଡ ସରକାରଙ୍କ ସହ ଶାନ୍ତି କଥାବାର୍ତ୍ତା ପାଇଁ ମାଓବାଦୀ ସଂଗଠନ ପକ୍ଷରୁ ପ୍ରସ୍ତାବ ଦେଇଛନ୍ତି । ଶାନ୍ତି ଆଲୋଚନା ପାଇଁ ଛତିଶଗଡ ସରକାର ପ୍ରସ୍ତୁତ ଅଛନ୍ତି । ଗଣତନ୍ତ୍ର ରାଷ୍ଟ୍ରରେ ହିଂସାର କୌଣସି ସ୍ଥାନ ନାହିଁ ବୋଲି ଛତିଶଗଡ ରାଜ୍ୟର ଗୃହମନ୍ତ୍ରୀ କହିଛନ୍ତି । ତେଲୁଗୁ ଅକ୍ଷରରେ ଲେଖାଥିବା ଚିଠିରେ ସିପିଆଇ ମାଓବାଦୀ କେନ୍ଦ୍ରୀୟ କମିଟି ମିଡିଆ ସଦସ୍ୟ ଆବାଇ ଲେଖାଯାଇଛି । ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ସରକାରଙ୍କ କଠୋର କାର୍ଯ୍ୟନୁଷ୍ଠାନ ଫଳରେ ଛତିଶଗଡରେ ମାଓବାଦୀ ସଂଗଠନ ଭୂଷୁଡୁଛି ! ପୋଲିସର ଶାଣିତ ଅପରେସନରେ ଗୋଟାଏ ପରେ ଗୋଟାଏ ମାଓବାଦୀ କ୍ୟାମ୍ପ ଧ୍ବସ୍ଥ ହୋଇପଡିଛି ।. ଭୟଭୀତ ହୋଇ ପଡିଛନ୍ତି ମାଓବାଦୀ !
କେନ୍ଦ୍ର ସରକାର ନକ୍ସଲ ଦମନ ଅପରେସନ କୁ ଆକ୍ରଣତ୍ମକ କରିଛନ୍ତି ।ଫଳରେ ଗତ କିଛି ମାସ ମଧ୍ୟରେ ଛତିଶଗଡରେ ଭୟ ସୃଷ୍ଟି କରିଥିବା ଟପ୍ ମାଇନେତଙ୍କ ସହ ୧୦୦ ରୁ ଉର୍ଦ୍ଧ୍ବ ମାଓବାଦୀ ନିହତ ହୋଇଛନ୍ତି । ପୋଲିସର କ୍ରମାଗତ କମ୍ୱିଂ ଅପରେସନ ଯୋଗୁଁ ମାଓବାଦୀ ଏବେ ନିଜକୁ ସୁରକ୍ଷିତ ମଣୁ ନାହାଁନ୍ତି । ଯେଉଁଠି ଆତ୍ମଗୋପନ କରିବାକୁ ଚେଷ୍ଟା କଲେବି ପୋଲିସର ନାହରରୁ ବର୍ତି ପରୁନାହାନ୍ତି ମାଓବାଦୀ । ପୂର୍ବ ପରି ଲୋକଙ୍କ ସମର୍ଥନ ମାଓବାଦୀଙ୍କୁ ମିଳୁ ନାହିଁ । ପୋଲିସର ଗୁଇନ୍ଦା ସୁଦୃଢ ହୋଇଛି । ଫଳରେ ମାଓବାଦୀଙ୍କ ଗତି ବିଧି ଓ ଠିକଣା ସଂପର୍କରେ ସଠିକ ସୂଚନା ପାଇପାରୁଛି ।ମାଓବାଦୀ ସଂଗଠନ ଦୁର୍ବଳ ହୋଇପଡିଛି । ଏଣୁ ମାଓବାଦୀଙ୍କ ପକ୍ଷରୁ ସରକାରଙ୍କ ସହ ଶାନ୍ତି ଆଲୋଚନା ପାଇଁ ଚିଠି ମାଧ୍ୟମରେ ପ୍ରସ୍ତାବ ଦେଇଛନ୍ତି । ମାଓବାଦୀଙ୍କ ଶାନ୍ତି ଆଲୋଚନା ପ୍ରସ୍ତାବକୁ ଛତିଶଗଡ ସରକାର ପ୍ରସ୍ତୁତ ଅଛନ୍ତି ବୋଲି ରାଜ୍ୟର ଗୃହମନ୍ତ୍ରୀ ବିଜୟ ଶର୍ମା କହିଛନ୍ତି ।କିନ୍ତୁ କୌଣସି ସର୍ତ ରଖି ଆଲୋଚନା ସମ୍ଭବପର ନୁହେଁ ବୋଲି ସେ ସ୍ପଷ୍ଟ କହି ଦେଇଛନ୍ତି । ମାଓବାଦୀଙ୍କ ଦ୍ବାରା ବିରୋଧ ଯୋଗୁଁ ଦୁର୍ଗମ ଅଞ୍ଚଳର ଲୋକଙ୍କୁ କୌଣସି ସରକାରୀ ସୁବିଧା ପହଞ୍ଚି ପାରୁନଥିଲା ।ପୋଲିସ ଓ ଯବାନମାନଙ୍କ ଉଦ୍ୟମ ଯୋଗୁଁ ଆଜି ବଞ୍ଚିତ ଲୋକଙ୍କୁ ସମସ୍ତ ସରକାରୀ ସୁବିଧା ସୁଯୋଗ ପହଞ୍ଚି ପାରିଛି ବୋଲି ଗୃହମନ୍ତ୍ରୀ ଶର୍ମା କହିଛନ୍ତି।
ମାଓବାଦୀ ଯଦି ହିଂସାକାଣ୍ଡ ଭିଆଇବେ ନାହିଁ ଓ ଶାନ୍ତି ରକ୍ଷା କରିବେ ତାହେଲେ ଛତିଶ ଗଡ ସରକାର ମଧ୍ୟ ଗୁଳି ଚଳାଇବ ନାହିଁ ବୋଲି ମାଓବାଦୀ ସଂଗଠନ କୁ ରୋକ ଠୋକ ଶୁଣାଇ ଦେଇଛନ୍ତି । ବିଜେପି ସରକାର ମାଓ ଦମନ ନେଇ କଠୋରତା ଅବଲମ୍ବନ କରି ଆସୁଛନ୍ତି ।୨୦ ୨୬ ମସିହା ସୁଦ୍ଧା ଦେଶରୁ ମାଓବାଦୀ କାର୍ଯ୍ୟକଳାପକୁ ମୂଳ ଉତ୍ପା ଟନ କରାଯିବ ବୋଲି କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଘୋଷଣା କରିଛନ୍ତି । ତାକୁ ଆଖି ଆଗରେ ରଖୀ ଅପରେସନକୁ କ୍ଷେତ୍ର ସ୍ଥଳରେ ସଠିକ୍ କାର୍ଯ୍ୟକାରୀ କରୁଛନ୍ତି । ଏହାଦ୍ବାରା ମାଓବାଦୀ ଏବେ ଶାନ୍ତି ଆଲୋଚନା ପ୍ରସ୍ତାବ ଦେଇ ଆତ୍ମରକ୍ଷା କୌଶଳ ଅବ ଲମ୍ବନ୍ କରିବାକୁ ବାଧ୍ୟ ହେଉଛନ୍ତି ବୋଲି ବିଶେଷଜ୍ଞ କହିଛନ୍ତି । ଛତିଶଗଡ ପୋଲିସର ଦାଉରୁ ରକ୍ଷା ପାଇବାପାଇଁ ମାଓବାଦୀମାନେ ଓଡ଼ିଶା ମୁଂହା ହୋଇ କୋରାପୁଟ ଓ ମାଲକାନଗିରି ସୀମାନ୍ତ ଜଙ୍ଗଲରେ ଆତ୍ମଗୋପନ କରି ସୁରକ୍ଷିତ ରହୁଥିଲେ ।ଏବେ ତାହାବି ସମ୍ଭବ ହୋଇପାରୁନାହିଁ । ଓଡ଼ିଶା ପୋଲିସ ଓ ଛତିଶ ଗଡ ପୋଲିସ ମଧ୍ୟରେ ସମନ୍ବୟ ରଖି ଓଡ଼ିଶା ପୋଲିସର ଦୃଢ଼ କାର୍ଯ୍ୟାନଷ୍ଠାନ ଯୋଗୁଁ ମାଓବାଦୀମାନେ ବର୍ତି ପାରୁନାହାନ୍ତି।
