ପ୍ରତିଫଳନ ମିଡ଼ିଆ
ଅବିଭକ୍ତ କୋରାପୁଟ ଜିଲ୍ଲା ତଥା ମାଳଭୂମି ଅଞ୍ଚଳର ଲୋକଙ୍କୁ ମିଳିବ
ଉନ୍ନତ ଚିକିତ୍ସା ସେବା । ସ୍ବାସ୍ଥ୍ୟ ସେବାରେ ଉନ୍ନତି ଆଣିବା ପାଇଁ ଦାମନଯୋଡ଼ି ସ୍ଥିତ ଭାରତ ସରକାରଙ୍କ ନବରତ୍ନ କମ୍ପାନୀ ନାଲକୋ ଆଗେଇ ଆସିଛି । ରୋଗୀ ସେବା ଓ ସ୍ବାସ୍ଥ୍ୟ ଭିତ୍ତିଭୂମିର ସୁଧାର ଆଣିବା ସକାଶେ ସହଯୋଗର ହାତ ବଢ଼ାଇଛି । ରୋଗୀଙ୍କୁ ଉନ୍ନତ ମାନର ଚିକିତ୍ସା ସେବା ଦେବା ପାଇଁ ଅତ୍ୟା ବଶ୍ୟକୀୟ ଏବଂ ଉନ୍ନତ ଅତ୍ୟାଧୁନିକ ବୈଷୟିକ ଚିକିତ୍ସା ଉପକରଣ କ୍ରୟ କରିବା ସହ ଅନ୍ୟାନ୍ୟ ଆବଶ୍ୟକତା ପୂରଣ ନିମନ୍ତେ ସହାୟତା ରାଶି ବ୍ୟବହୃତ ହେବ।
କୋରାପୁଟ ମେଡ଼ିକାଲ କଲେଜ ଓ ହସପିଟାଲକୁ (SLNMCH) ନାଲକୋ ୧୦ କୋଟି ୧୦ ଲକ୍ଷ ଟଙ୍କା ସହାୟତା ରାଶି ପ୍ରଦାନ କରିଛି । କୋରାପୁଟ ଜିଲ୍ଲାପାଳ ଭି କୀର୍ତ୍ତି ୱାସନଙ୍କୁ ଭେଟି ଚେକ୍ ପ୍ରଦାନ କରିଛନ୍ତି। ଚେକ୍ ଗ୍ରହଣ ସମୟରେ ମେଡ଼ିକାଲ କଲେଜ ହସପିଟାଲର୍ ଅଧ୍ୟକ୍ଷ ,ଅଧିକ୍ଷକ ଓ ଅନ୍ୟ ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ ।
(ନେସନାଲ ଆଲୁମିନୟିମ କମ୍ପାନୀ) ନାଲକୋର ସିଏସଆର ପାଣ୍ଠି ରୁ କାର୍ଯ୍ୟକ୍ରମ ଅଂଶ ବିଶେଷ ଭାବେ ସହୀଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସପିଟାଲକୁ ୧୦ କୋଟି ୧୦ ଲକ୍ଷ ସହାୟତା ଦିଆ ଯାଇଛି ।
ନାଲକୋ ଖଣି ଓ ପରିଶୋଧନ ପ୍ରକଳ୍ପର କାର୍ଯ୍ୟନିର୍ବାହୀ ନିବନ୍ଧକ ନିରଞ୍ଜନ ସାମଲଙ୍କ ସହ (ଏଚ ଆଣ୍ଡ ଏ) ବିଭାଗ ମୁଖ୍ୟ ଆଶୁଦତାଷ ରଥ ଜଲ୍ଲିାପାଳ ଭି. କୀର୍ତ୍ତି ଭାସନଙ୍କୁ ଭେଟି ଚେକ୍ ପ୍ରଦାନ କରିଛନ୍ତି।ଏହି ଅବସରରେ ଏସ ଏଲ୍ ଏନ୍ ମେଡିକାଲ କଲେଜ ଓ ହସ୍ପିଟାଲ ଅଧୀକ୍ଷକ ତଥା ଡିନ୍ ଏବଂ ଅଧ୍ୟକ୍ଷ ପ୍ରଫେସର ଡାକ୍ତର ସୁଶାନ୍ତ କୁମାର ସାହୁ ମଧ୍ୟ ଉପସ୍ଥିତ ଥିଲେ ।
ନାଲକୋ ସିଏସଆର ଶାଖା “ନାଲକୋ ଫାଉଣ୍ଡେସନ” ପକ୍ଷରୁ ଏହା ପ୍ରଦାନ କରା ଯାଇଥିବା ନାଲକୋ କତୃପକ୍ଷ କହିଛନ୍ତି । ଆଦିବାସୀ ବହୁଳ ପଛୁଆ ଅଞ୍ଚଳର ଲୋକଙ୍କ ପାଇଁ ଉନ୍ନତ ସ୍ବାସ୍ଥ୍ୟ ସେବା ଯୋଗାଇବାକୁ କେନ୍ଦ୍ର ସରକାରଙ୍କ ଅଧୀନ ନାଲକୋ ଆଗେଇ ଆସିଥିବାରୁ ବିଭିନ୍ନ ମହଲରେ ସ୍ଵାଗତ କରାଯାଇଛି । ଏହାଦ୍ବାରା ଏଣିକି ଅଞ୍ଚଳର ଲୋକେ ଉପଯୁକ୍ତ ଜଟିଳ ରୋଗର ଚିକିତ୍ସା ପାଇପାରିବେ ବୋଲି ଆଶା ରଖିଛନ୍ତି ଅଞ୍ଚଳର ବୁଦ୍ଧିଜୀବୀ।
ଏଠାରେ ସୂଚନାଯୋଗ୍ୟ ଯେ ନ୍ୟାସନାଲ ଆଲୁମିନିୟମ କମ୍ପାନି (ନାଲକୋ) ଏସିଆର ବୃହତମ ଆଲୁମିନିୟମ କମ୍ପାନି ଅଟେ । ଏହା ୯ ଜାନୁୟାରୀ ୧୯୮୧ ମସିହାରେ ଭାରତ ସରକାରଙ୍କଦ୍ୱାରା ସ୍ଥାପିତ ହୋଇଥିଲା । ଓଡ଼ିଶାର ଦାମନଯୋଡି ଓ ଅନୁଗୁଳ ନାଲକୋର ସମନ୍ୱିତ ଆଲୁମିନିୟମ କମ୍ପ୍ଲେକ୍ସମାନ ରହିଛି । ନାଲକୋ ନିଜସ୍ୱ ଖଣିରୁ ବକ୍ସାଇଟ ଉତ୍ତୋଳୋନ କରି ସେଥିରୁ ଆଲୁମିନା, ଆଲୁମିନିୟମ ତିଆରି କରେ । ଏହି ଉତ୍ପାଦକକୁ ନାଲକୋ ଭାରତରେ ବିକ୍ରୟ କରୁଥିବା ବେଳେ ବିଦେଶକୁ ମଧ୍ୟ ରପ୍ତାନି କରୁଛି ।