ପ୍ରତିଫଳନ ମିଡ଼ିଆ
ଅନ୍ତର୍ଭୁକ୍ତିମୂଳକ ଶିକ୍ଷା ଉପରେ ଆଧାରିତ କୋରାପୁଟ କେନ୍ଦ୍ରୀୟ ବିଦ୍ୟାଳୟର ଶିକ୍ଷକ ତରୁଣ କୁମାର ଦାଶଙ୍କ ନୂତନ କ୍ଷୁଦ୍ର ଚଳଚ୍ଚିତ୍ର ପାହିୟା କୁର୍ସି (ହିନ୍ଦୀ) ୨୦୨୪-୨୫ ଅଧିବେଶନ ପାଇଁ NCERT ଦ୍ୱାରା ଆୟୋଜିତ ଜାତୀୟ ସ୍ତରୀୟ ଅଖିଳ ଭାରତୀୟ ଶିଶୁ ଶିକ୍ଷାଗତ ଇ-କଣ୍ଟେଣ୍ଟ ପ୍ରତିଯୋଗିତା ପାଇଁ ମନୋନୀତ ହୋଇଛି। ଏଥିପାଇଁ ଶିଲଂ (ମେଘାଳୟ) ଠାରେ ଆୟୋଜିତ ଉତ୍ସବରେ ସେ ପୁରସ୍କାର ଗ୍ରହଣ କରିଛନ୍ତି । ଜାତୀୟ ସ୍ତରୀୟ ଅଖିଳ ଭାରତୀୟ ଶିଶୁ ଶିକ୍ଷାଗତ ଇ-କଣ୍ଟେଣ୍ଟ ପ୍ରତିଯୋଗିତା 2024-25 ରେ ଶ୍ରେଷ୍ଠ ଅଭିନେତା ଏବଂ ଶ୍ରେଷ୍ଠ ଚଳଚ୍ଚିତ୍ର ବର୍ଗରେ କ୍ଷୁଦ୍ର ଚଳଚ୍ଚିତ୍ର ପାହିଆ କୁର୍ସି ଦୁଇଟି ପ୍ରତିଷ୍ଠିତ ପୁରସ୍କାର ପାଇଥିବା ଶ୍ରୀଯୁକ୍ତ ସୂଚନା ଦେଇଛନ୍ତି ଏବଂ ଏହା ଖୁବ ସନ୍ତୋଷ ଦେଇଛି ବୋଲି ସେ ନିଜ ପ୍ରତିକ୍ରିୟାରେ ପ୍ରକାଶ କରିଛନ୍ତି । ଏହି ଚଳଚିତ୍ରର କାହାଣୀ, ପଟ୍ଟକଥା ଓ ନିର୍ଦ୍ଦେଶନା ଦେଇଛନ୍ତି ନିଜେ ତରୁଣ । ପୂର୍ବରୁ ଶ୍ରୀ ଦାଶ ମଧ୍ୟ ଜାତୀୟ ସ୍ତରରେ କ୍ଷୁଦ୍ର ଚଳଚ୍ଚିତ୍ର ପାଇଁ ସମ୍ମାନିତ ହୋଇଛନ୍ତି । କ୍ରମାଗତ ସଫଳତା ପାଇଁ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛା ଜ୍ଞାପନ କରାଯାଇଛି ।
