ପ୍ରତିଫଳନ ମିଡ଼ିଆ
ରାୟଗଡା ଜାତୀୟ ସ୍ୱାସ୍ଥ୍ୟ ମିଶନ କର୍ମଚାରୀ ସଂଘ ପକ୍ଷରୁ ସଂଘ ସଭାପତି କଳ୍ପନା ମିଶ୍ରଙ୍କ ନେତୃତ୍ୱରେ କର୍ମଚରୀଙ୍କ ଚାକିରୀ ନିୟମିତ କରିବା ଓ କ୍ୟାଡ଼ର ସୃଷ୍ଟି କରିବା ଦାବୀ ରେ ମୂଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟରେ ରାୟଗଡ଼ା ଅତିରିକ୍ତ ଜିଲ୍ଲାପାଳ ଓ ମୁଖ୍ୟ ଜିଲ୍ଲା ଚିକିତ୍ସା ଅଧିକାରୀଙ୍କୁ ଦାବୀ ପତ୍ର ପ୍ରଦାନ କରାଯାଇଛି । ଦାବି ପୂରଣ ନହେଲେ ମାର୍ଚ୍ଚ ୧୦ ରୁ କାର୍ଯ୍ୟବନ୍ଦ ଚେତାବନୀ ଦିଆଯାଇଛି । ଏଥି ସହ ଆଗାମୀ ୯ତାରିଖ ଯାଏଁ ପ୍ରତୀକାତ୍ମକ ପ୍ରତିବାଦ ସ୍ବରୂପ କଳା ବ୍ୟାଜ ପିନ୍ଧିବାକୁ ନିଷ୍ପତି ନିଆଯାଇଛି ।
ପଞ୍ଚାୟତ ସ୍ତରରୁ ରାଜ୍ୟ ପର୍ଯ୍ୟନ୍ତ ଲୋକଙ୍କୁ ଉନ୍ନତ ଚିକିତ୍ସା ଯୋଗାଇଦେବା ଓ ସ୍ବାସ୍ଥ୍ୟ ସେବାର ସଠିକ ପରିଚାଳନା ପାଇଁ ସ୍ବାସ୍ଥ୍ୟ ବିଭାଗର କର୍ମଚାରି ଓ ଅଧିକାରୀ ମାନଂକୁ ତାଲିମ ପ୍ରଦାନ କରିବା ରେ ଏନଏଚଏମ ର ଗୁରୁତ୍ୱପୂର୍ଣ୍ଣ ଭୂମିକା ରହିଆସିଛି । ସ୍ବାସ୍ଥ୍ୟ ଭିତ୍ତିଭୂମି ନିର୍ମାଣ କରିବା ସହ ଉନ୍ନତ ସ୍ୱାସ୍ଥ୍ୟ ସେବା ଯୋଗାଇଦେବା ପାଇଁ ଦକ୍ଷତା ବୃଦ୍ଧି ପାଇଁ ତାଲିମ ଦିଆଯାଉଛି।
ଆଶା,ଅଙ୍ଗନୱାଡ଼ି, ୱ୍ବର୍ଡ ମେମ୍ବର,ସରପଞ୍ଚ, ଏଏନଏମ, ସ୍ବାସ୍ଥ୍ୟ ଆରୋଗ୍ୟ ମନ୍ଦିର ଅଧିକାରୀ ଓ ଡାକ୍ତର ମାନଙ୍କୁ ନିୟମିତ ତାଲିମ ପ୍ରଦାନ କରାଯାଇ ଲୋକଙ୍କ ନିକଟରେ ଉନ୍ନତ ସ୍ବାସ୍ଥ୍ୟ ସେବା ଓ ଜରୁରୀ ଚିକିତ୍ସା ସେବା ପହଞ୍ଚାଇବାରେ ଏନଏଚଏମରେ କାମ କରୁଥିବା କର୍ମଚାରୀ ଙ୍କ ଗୁରୁତ୍ୱ ପୂର୍ଣ୍ଣ ଭୂମିକା ରହିଛି । ଦାୟିତ୍ୱର ସହ ଦୀର୍ଘ ୨୦ ବର୍ଷ ହେଲା ନିଷ୍ଠା ର ସହ ଠିକା କର୍ମଚାରୀ ଭାବେ କାମ କରି ଆସୁଥିବା ଏନଏଚଏମ କର୍ମଚାରୀ ଓ ଅଧିକାରୀଙ୍କ ଚାକିରୀ ନିୟମିତ ଓ କ୍ୟାଡ଼ର ସୃଷ୍ଟି କରାଯାଇ ନାହିଁ । ଫଳରେ ପ୍ରାୟ ୫ହଜାର ରୁ ଊର୍ଦ୍ଧ୍ବ କର୍ମ ଚାରି ନିଜ ଭବିଷ୍ୟତକୁ ନେଇ ଚିନ୍ତାରେ ରହିଛନ୍ତି । ୬ବର୍ଷ କାମ କରିଥିଲେ ଚାକିରି ନିୟମିତ କରାଯିବ ବୋଲି ଓଡ଼ିଶା ସରକାର ଘୋଷଣା କରିଥିଲେ ।ହେଲେ ୨୦ବର୍ଷ ଚାକିରି କରିବା ସତ୍ତ୍ବେ ଏନ୍ ଏଚ ଏମ କର୍ମଚାରୀଙ୍କୁ ନିୟମିତ କରାଯାଇନଥିବାରୁ
ଉଚ୍ଚ ଶିକ୍ଷିତ କର୍ମଚାରୀ ଓ କର୍ମ ଚାରୀଙ୍କ ପରିବାର ନିଜର ଭବିଷ୍ୟତକୁ ନେଇ ଚିନ୍ତାରେ ପଡ଼ିଛନ୍ତି । ସ୍ୱାସ୍ଥ୍ୟ ବିଭାଗ ଦ୍ଵାରା ପରିଚାଳିତ ଏନଏଚଏମ କର୍ମଚାରୀ ଙ୍କ ଚାକିରୀ କୁ ନିୟମିତ କରିବା ସହ ଜନସ୍ବାସ୍ଥ୍ୟ ବିଭାଗ ପରିଚାଳନା ପାଇଁ ସ୍ଵତନ୍ତ୍ର ପଦବୀ ସୃଷ୍ଟି କରିବାକୁ ରାୟଗଡ଼ା ଜିଲ୍ଲା ଏନ୍ ଏଚ ଏମ କର୍ମଚାରୀ ସଂଘ ସରକାରଙ୍କ ନିକଟରେ ଦାବି କରିଛି ।
ସ୍ବାସ୍ଥ୍ୟ ପରିଚାଳନା ସୁଧାର ଆଣିବା ସହ ସ୍ବାସ୍ଥ୍ୟ ଭିତ୍ତିଭୂମିର ଉନ୍ନତି ଆଣି ଗ୍ରାମାଞ୍ଚଳରେ ଉନ୍ନତ ସ୍ୱାସ୍ଥ୍ୟ ସେବା ଯୋଗାଇଦେବା ଜାତୀୟ ସ୍ବାସ୍ଥ୍ୟ ମିଶନ (ଏନଏଚ ଏମ) ର ପ୍ରମୁଖ ଭୂମିକା ରହିଛି। ସ୍ବାସ୍ଥ୍ୟ ବିଭାଗଟି ପ୍ରାୟତ ସମ୍ପୂର୍ଣ୍ଣ ପରିଚାଳନା ହେଉଛି ଏନଏଚଏମ ଦ୍ଵାରା । ମାତୃ ମୃତ୍ୟୁହାର ଓ ଶିଶୁ ମୃତ୍ୟୁ ହାର ରୋକିବା ,ଯକ୍ଷ୍ମା ନିରାକରଣ, କୃଷ୍ଠ ନିରାକରଣ, ମ୍ୟାଲେରିଆ ନିରାକରଣ ,ମାନସିକ ରୋଗୀ ଚିହ୍ନଟ କାର୍ଯ୍ୟକ୍ରମ , ଅଣ ସଂକ୍ରାମକ ରୋଗ ନିୟନ୍ତ୍ରଣ, ରକ୍ତ ହୀନତା ଶିଶୁ ଚିହ୍ନଟ କାରଣ, ଥାଲାସେମିଆ ରୋଗୀ ନିରୂପଣ, ପରିବାର ନିୟୋଜନ କାର୍ଯ୍ୟକ୍ରମ ସମେତ ବିଶେଷ କରି ଲୋକଙ୍କୁ ସ୍ୱାସ୍ଥ୍ୟକେନ୍ଦ୍ର କୁ ଆସିବା ନେଇ ବ୍ୟାପକ ସଚେତନତା ସୃଷ୍ଟି କରିବାରେ ପ୍ରମୁଖ ଭୂମିକା ତୁଲାଇ ଆସୁଛନ୍ତି । ଏଥିପାଇଁ ସବୁ ବର୍ଗର ଲୋକଙ୍କ ମଧ୍ୟରେ ଏନ ଏନ୍ ଏଚ୍ ଏମ କର୍ମଚାରୀମାନେ ଆସ୍ଥା ଓ ବିଶ୍ବାସ ହାସଲ କରି ପାରିଛନ୍ତି । ଅଥଚ ଏତେସବୁ ସ୍ବାସ୍ଥ୍ୟ ସେବା ର ସଠିକ କାର୍ଯ୍ୟକାରୀତା କରିଆସୁଥିବା ବେଳେ ସରକାର ଏନଏଚଏମ କର୍ମଚାରୀ ଙ୍କ କର୍ତ୍ତବ୍ୟ ନିଷ୍ଠା ପ୍ରତି ଅଣଦେଖା କରି ଆସୁଛନ୍ତି । କର୍ମଚାରୀଙ୍କ ସମସ୍ୟା ପ୍ରତି ଦୃଷ୍ଟି ଦେଉନାହାନ୍ତି । ସମସ୍ତ ବର୍ଗର ଲୋକଙ୍କ ସ୍ବାସ୍ଥ୍ୟ ସେବା ପ୍ରତି ଯତ୍ନବାନ୍ ଥିବା ଏନଏଚଏମ କର୍ମଚାରୀ ମାନେ ଏବେ ନିଜର ଚାକିରୀର ଭବିଷ୍ୟତ ନେଇ ଅସୁସ୍ଥ ମାନସିକତାରେ ରହିଛନ୍ତି । କର୍ମଚାରୀମାନେ ନିଜର ଭବିଷ୍ୟତକୁ ନେଇ ଏଭଳି ଦୁଶ୍ଚିନ୍ତାରେ ରହିବା ସରକାର ଓ ରାଜ୍ୟବାସୀଙ୍କ ପାଇଁ ଚିନ୍ତା ଜଣକ ଘଟଣା ବୋଲି ସାଧାରଣରେ ଚର୍ଚା ଚାଲିଛି । ସମଗ୍ର କାର୍ଯ୍ୟକ୍ରମରେ ସଂଘର ସାଧାରଣ ସମ୍ପାଦକ ଟି ଉପେନ୍ଦ୍ର ସମେତ ଜିଲ୍ଲାର ସମସ୍ତ ସ୍ଵାସ୍ଥ୍ୟ ମିଶନ କର୍ମଚାରୀ ବୃନ୍ଦ ଉପସ୍ଥିତ ଥିଲେ ।