(ପ୍ରତିଫଳନ ମିଡିଆ)
ଭାରସାମ୍ୟ ହରାଇ ପନ୍ଦର ଫୁଟ ତଳକୁ ଖସିଲା ଆଲ୍ଟ କାର । ଫଳରେ ଘଟଣା ସ୍ଥଳରେ ଜଣେ ଯୁବକଙ୍କ ମୃତ୍ୟୁ ଘଟି ଥିବା ବେଳେ ଅନ୍ୟ ଜଣେ ଯୁବକ ଗୁରୁତର ଆହତ ହୋଇଛନ୍ତି l ଏଭଳି ଦୁଃଖଦ ଘଟଣା ଘଟିଛି ଓଡ଼ିଶା ସୀମାନ୍ତ ଆନ୍ଦ୍ର ପ୍ରଦେଶର ବିଶାଖାପାଟଣା ଜିଲ୍ଲା ମୁଚିମପୁଟ ଥାନା ଅନ୍ତର୍ଗତ ଅସରଡା ଘାଟିରେ।ଦୁର୍ଘଟଣା ରେ ମୃତ ଯୁବକ ଜଣକ ହେଲେ କୋରାପୁଟ ଜିଲା ବୈପାରିଗୁଡା ଗାଁର ଉମା ଶଙ୍କର ଭୂୟାଁ l ଆଜି ସକାଳେ ଏକ ଆଲ୍ଟ କାର ଗାଡିରେ ଚାରି ଜଣ ଯୁବକ ସାଙ୍ଗ ହୋଇ ଆନ୍ଧ୍ର ପ୍ରଦେଶ ଅଞ୍ଚଳକୁ ବୁଲିବାକୁ ଯାଉଥିଲେ l ଏହି ସମୟ ରେ କୌଣସି କାରଣ ବଶତଃ ଅସରଡା ଗାଁ ନିକଟ ଘାଟିରେ ଭରାସାମ୍ୟ ହରାଇ ଗାଡ଼ି ଟି ରାସ୍ତା ତଳ କୁ ଥିବା ପନ୍ଦର ଫୁଟ ଚାଷ ଜମି ରେ ଖସି ପଡିଥିଲା l ଏହି ଦୁର୍ଘଟଣା ରେ ଦୁଇଜଣ ଯୁବକ ଗୁରୁତର ଆହତ ହୋଇଥିବାରୁ ସ୍ଥାନୀୟ ଲୋକଙ୍କୁ ସହାୟତାରେ ଲମତାପୁଟର ଘରେଇ ଆଶାକିରଣ ହସ୍ପିଟାଲ ରେ ଭର୍ତ୍ତି କରା ଯାଇଥିଲା।କିନ୍ତୁ ଡାକ୍ତର ଉମାଶଙ୍କର ଭୂୟାଁଙ୍କ ମୃତ୍ୟୁ ହୋଇଥିବା ଘୋଷଣା କରିଥିଲେ l ଆହତ ସିଦ୍ଧାନ୍ତ ମହାନ୍ତିଙ୍କ ଚିକିତ୍ସା ଚାଲିଥିବା ବେଳେ ରାକେଶ ମହାନ୍ତି ଓ ଦୀପକ ଗୌଡ଼ ସୁସ୍ଥ ଅଛନ୍ତି l