ଡ୍ରାଇଭରକୁ ଗିରଫ ପ୍ରତିବାଦରେ ଘରୋଇ ଟ୍ରକ ମାଲିକ ସଂଘର ଥାନା ଘେରାଉ

ପ୍ରତିଫଳନ ମିଡ଼ିଆ

ଡ୍ରାଇଭର ପି.ଗୈରୀଶଙ୍କର ଙ୍କୁ ରାୟଗଡା ଟାଉନ୍ ଥାନା ପୁଲିସ ଏକ ମାମଲାରେ ଗିରଫ କରିଛି। ପୋଲିସର ଦ୍ୱାରା ଅତର୍କିତ ଗିରଫ କରିବା ଘଟଣାକୁ ରାୟଗଡା ଘରୋଇ ଟ୍ରକ ମାଲିକ ସଂଘର ସଭାପତି ଭେଙ୍କେଟେଶ୍ବର ରାଓ ଓରଫ୍ କୋଣ୍ଡା ବାବୁ ବିରୋଧ କରିଛନ୍ତି । ଗିରଫର ପ୍ରତିବାଦରେ ରାୟଗଡା ଟ୍ରକ ସଙ୍ଘ ପକ୍ଷରୁ ଶତାଧିକ ଲୋକେ ଟାଉନ୍ ଥାନାକୁ ଘେରାଉ କରିଛନ୍ତି।ପୂର୍ବରୁ ଡ୍ରାଇଭର ଙ୍କ ନାମରେ ଥିଲା ଜାମିନ ବିହୀନ ଗିରଫ୍ ପରୱାନା। ଆଜି ସକାଳୁ ଗୈରୀଶଙ୍କର କୁ ପୁଲିସ ଗିରଫ କରିବା ପରେ କୋଣ୍ଡା ବାବୁଙ୍କ ସମର୍ଥକ ଥାନା ଆଗରେ ଖଲାସ ପାଇଁ ଅଡି ବସିଛନ୍ତି। ରାସ୍ତାରେ ଧାରଣା ଦେବା ଫଳରେ ରାସ୍ତା ଜାମ୍ ହୋଇ ଗାଡି ଚଳାଚଳ ବାଧାପ୍ରପ୍ତ ହୋଇଛି। ରାଞ୍ଚି ବିଜୟୱ।ଡା କରିଡର ରାସ୍ତାର ଉଭୟ ପାର୍ଶ୍ଵରେ ଶତାଧିକ ଚାରି ଚକିଆ ଯାନ ଠିଆ ହୋଇଛି। ଅନ୍ଯପଟେ ରାସ୍ତା ଜାମ୍ ଥିବା ଯୋଗୁଁ ଜିଲ୍ଲା ମୁଖ୍ଯ ଚିକିତ୍ସାଳୟ କୁ କୈଣସି ଆମ୍ବୁଲାନ୍ସ ଯାତାୟତ କରିପାରୁ ନାହିଁ। ଏବେ ବି ଥାନା ଆଗରେ ଧାରଣାରେ ବସିଛନ୍ତି ଶତାଧିକ ସମର୍ଥକ। ପୋଲିସ ପାତର ଅନ୍ତର କରୁଛି । ଅନ୍ୟ ଲୋକଙ୍କ ପ୍ରରୋଚନାରେ ପୋଲିସ କମକରୁଛି ବୋଲି ଗୁରୁତର ଅଭିଯୋଗ କରିଛନ୍ତି । ଏଭଳି ହେଲେ ରାୟଗଡ଼ା ଜିଲ୍ଲା କୁ ଅଚଳ କରିଦିଆଯିବ ବୋଲି ପୋଲିସ ଓ ପ୍ରଶାସନକୁ ଚେତାବନୀ ଦେଇଛନ୍ତି ।ଗିରଫ ଡ଼୍ରାଇଭରକୁ ତୁରନ୍ତ ଛାଡ଼ିବାକୁ ଦାବି କରିଛନ୍ତି ।

Spread the love