ରାମନାଗୁଡା(ପ୍ରତିଫଳନ ମିଡ଼ିଆ)
ରାୟଗଡା ଜିଲ୍ଲା ରାମନାଗୁଡା ବ୍ଲକ ଅନ୍ତର୍ଗତ ସ୍ଥାନୀୟ ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ରେ ଗୁଣୁପୁର ବିଧାୟକ ସତ୍ୟଜିତ ଗମାଙ୍ଗଙ୍କ ଅଧ୍ୟକ୍ଷତାରେ ରୋଗୀ କଲ୍ୟାଣ ସମିତି ବୈଠକ ଅନୁଷ୍ଠିତ ହୋଇଯାଇଛି । ରୋଗୀ କଲ୍ୟାଣ ସମିତି ଦ୍ବାରା ରୋଗୀମାନଙ୍କ ଚିକିତ୍ସା ଓ ରୋଗୀଙ୍କ ବ୍ୟବହାର ପାଇଁ କଣ କଣ ବ୍ୟବସ୍ଥା କରାଯାଇଛି କେତେ ଅର୍ଥ ବ୍ୟୟ କରାଯାଇଛି, କେତେ ଅର୍ଥ ଖର୍ଚ୍ଚ ହୋଇପାରିନାହିଁ ,କାହିଁକି ଖର୍ଚ୍ଚ ହୋଇପାରିନାହିଁ ସେ ସଂପର୍କରେ ବୈଠକରେ ବିସ୍ତୃତ ଭାବେ ଆଲୋଚନା ହୋଇଥିଲା ।ରୋଗୀ କଲ୍ୟାଣ ସମିତି ଓ ଆରଏସବିୱାଇ ପାଣ୍ଠିରୁ ମେଡ଼ିକାଲ ପାଇଁ ନୂତନ ସାମଗ୍ରୀ କ୍ରୟ ଓ ରକ୍ଷଣା ବେକ୍ଷଣ ବାବଦ ଖର୍ଚ୍ଚ ସଂପର୍କରେ ଆଲୋଚନା କରାଯାଇଥିଲା। ବୈଠକରେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ଉନ୍ନତି ନିମନ୍ତେ ସରକାରଙ୍କ ତରଫରୁ ଆସିଥିବା ଅର୍ଥରାଶିର ବ୍ୟୟବରାଦ କିଭଳି କରାଯାଇଛି ସମୀକ୍ଷା କରା ହୋଇଥିଲା । କେନ୍ଦ୍ର ଓ ଓଡ଼ିଶା ସରକାର ଗୋଷ୍ଠି ସ୍ବାସ୍ଥ୍ୟ କେନ୍ଦ୍ର ଗୁଡ଼ିକର ଭିତ୍ତିଭୂମିର ଉନ୍ନତି, ଗ୍ରାମାଞ୍ଚଳର ସ୍ବାସ୍ଥ୍ୟ ସେବାର ଉନ୍ନତି ସହ ବିଭିନ୍ନ ସ୍ବାସ୍ଥ୍ୟ ସେବା ଗୁଡିକର ସଠିକ କାର୍ଯ୍ୟକାରିତା ଉପରେ ଅଧିକ ଗୁରୁତ୍ୱ ଦେଉଥିବା ବେଳେ , ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଡାକ୍ତର ଓ ସ୍ବାସ୍ଥ୍ୟ କର୍ମଚାରୀ ମାନେ ଲୋକଙ୍କ ପ୍ରିଇଭାଜନ ହୋଇ ନିଷ୍ଠାର ସହ କର୍ତ୍ତବ୍ୟ ପାଳନ କରିବାକୁ ବୈଠକରେ ମତ ପ୍ରକାଶ ପାଇଥିଲା ।
ଏଥିରେ ରାମନାଗୁଡା ଗୋଷ୍ଠୀ ଉନ୍ନୟନ ଅଧିକାରୀ ପ୍ରଦ୍ୟୁମ୍ନ ମଣ୍ଡଳ, ଭାରପ୍ରାପ୍ତ ଚିକିତ୍ସା ଅଧିକାରୀ ସୌରଭ ମହାପାତ୍ର,ସର୍ଜରୀ ବିଶେଷଜ୍ଞ ଅଭିଷେକ ପଟନାୟକ, ମେଡ଼ିକାଲ ଅଫିସର(ଆୟୁଷ ବିଭାଗ),ସମନ୍ୱିତ ଶିଶୁ ବିକାଶ ବିଭାଗ ର ମଣ୍ଡଳ ପରିଦର୍ଶିକା ସୁବୁଦ୍ଧି ଶବର ବିଜୟ ଲଷ୍ମୀ ପିର୍ବାକା ,ସମାଜ ସେବୀ ଗଗନ ବିହାରୀ ଆଚାର୍ଯ୍ୟ ,ରୋଗୀ କଲ୍ୟାଣ ସମିତି ସଦସ୍ୟ,ପାତ୍ରୀ ବେଣୁ ଗୋପାଳ, ସାଂସଦ ପ୍ରତିନିଧି ଗାର୍ଜନା ପ୍ରସାଦ ରାଓ,ଭାଜପା ମଣ୍ଡଳ ପ୍ରତିନିଧି ଶିବ ପ୍ରସାଦ ବ୍ରହ୍ମା,ଆଶିଷ କୁମାର ବେହେରା,ଗୋସେଇଁ ଗୁଲୁମୁଣ୍ଡା ସମିତି ସଭ୍ୟା ସୁଷମା ଗୁରୁ କଂଗ୍ରେସ ନେତା ସୁଧୀର ଗୁରୁ,ଜିଲ୍ଲା ପରିଷଦ ସଭ୍ୟ ତାଙ୍ଗୁଡୁ ଶ୍ରୀଧର, ପୂର୍ବତନ ଜିଲ୍ଲା ପରିଷଦ ସଭ୍ୟ ପ୍ରକାଶ କଣ୍ଡାଗରୀ, ପ୍ରମୁଖ ଉପସ୍ଥିତ ଥିଲେ। ବୈଠକ ପ୍ରାରମ୍ଭରେ ଗତ ୨୦୨୨-୨୩,୨୦୨୪-୨୫ ଆର୍ଥିକ ବର୍ଷରେ ଖର୍ଚ୍ଚ ହୋଇଥିବା ଅଟକଳ ବାବଦରେ ସାଧାରଣ ବୈଠକରେ ଆଲୋଚନା କରାଯାଇଥିଲା। ରୋଗୀ କଲ୍ୟାଣ ସମିତି ବୈଠକରେ ବିପିଏମ ଏସ. କମଳାକର ରାଓ ଙ୍କ ଦ୍ଵାରା ବିବରଣୀ ପ୍ରଦାନ କରାଯାଇଥିଲା।ଚଳିତ ବର୍ଷ ଆୟୋଜିତ ବିଭିନ୍ନ କାର୍ଯ୍ୟକ୍ରମର ସମୀକ୍ଷା କରାଯାଇଥିଲା । ସାଧାରଣ ଲୋକଙ୍କୁ ସଠିକ ସମୟରେ ଉଚିତ୍ ସ୍ବାସ୍ଥ୍ୟ ସେବା କିଭଳି ମିଳିପାରିବ ସେଥିପ୍ରତି ଦୃଷ୍ଟି ଦେବାକୁ ରାମନାଗୁଡ଼ା ବିଜେପି ଗୁରୁତ୍ୱ ଆରୋପ କରିଛି ।ଏହି କାର୍ଯ୍ୟକ୍ରମ କୁ ବିପିଏମଓ ଏସ. କମଳାକର ରାଓ ପରିଚାଳନା କରିଥିଲେ।