(ପ୍ରତିଫଳନ ମିଡିଆ)
ଗୋପାଳପୁର ପିଏମ ଶ୍ରୀ କେନ୍ଦ୍ରୀୟ ବିଦ୍ୟାଳୟରେ ଆଜି ରାଜ୍ୟ ସ୍ତରୀୟ କ୍ଲଷ୍ଟର ବିଜ୍ଞାନ ମେଳା ଉଦଘାଟିତ ହୋଇ ଯାଇଛି। ବ୍ରହ୍ମପୁର ଆଇଜର ନିର୍ଦେଶକ ପ୍ରଫେସର ଅଶୋକ କୁମାର ଗାଙ୍ଗୁଲି ଏଥିରେ ଯୋଗ ଦେଇ ଏହାକୁ ଉଦଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଗୋପାଳପୁର ପିଏମଶ୍ରୀ କେନ୍ଦ୍ରୀୟ ବିଦ୍ୟାଳୟର ଅଧକ୍ଷ ବିରଞ୍ଚି ନାରାୟଣ ଦାସ ଯୋଗ ଦେଇ ବିଜ୍ଞାନର ଆବଶ୍ୟକତା ଓ ଉପଯୋଗୀତା ଉପରେ ସମକ୍ୟ ସୂଚନା ଦେଇଥିଲେ । ଏଭଳି ବିଜ୍ଞାନ ମେଳା ଛାତ୍ରଛାତ୍ରୀଙ୍କ ମଧ୍ୟରେ ବିଜ୍ଞାନ ଶିକ୍ଷା ଆଗ୍ରହ ସୃଷ୍ଟି କରିବ ବୋଲି ଅଧକ୍ଷ କହିଛନ୍ତି । ଗଞ୍ଜାମ, ଖୋର୍ଦ୍ଧା, କନ୍ଧମାଳ ତିନୋଟି ଜିଲ୍ଲାର ୯ ଟି ସ୍କୁଲର ପ୍ରାୟ ୯୦ ଜଣ ଛାତ୍ରଛାତ୍ରୀ ଯୋଗ ଦେଇ ବିଭିନ୍ନ ପ୍ରକଳ୍ପ ପ୍ରଦର୍ଶନ କରିଥିଲେ। ସୁସ୍ଥ ପରିବେଶ, ଆବର୍ଜନା ପାଣିରୁ ସ୍ଵଛ ଓ ନିର୍ମଳ ପାଣି ଭଳି ବିଭିନ୍ନ ପ୍ରକଳ୍ପ ବିଷୟରେ ପ୍ରଦର୍ଶନ କରି ଛାତ୍ରଛାତ୍ରୀ ମାନେ ଖୁସି ଜାହିର କରିଛନ୍ତି।
