ପ୍ରତିଫଳନ ମିଡ଼ିଆ
କୋଟିଆରେ ମହା ଆଡ଼ମ୍ବର ସହକାରେ ପାଳନ ହେଲା ଉତ୍କଳ ଦିବସ । କୋଟିଆର ସମସ୍ତ ସରକାରୀ ଅନୁଷ୍ଠାନ ଗୁଡିକରେ ଉତ୍କଳ ଦିବସ ପାଳନ କରାଯାଇଛି ।
ଓଡ଼ିଶା ସରକାର ପକ୍ଷରୁ କୋଟିଆ ପଞ୍ଚାୟତର ବହୁ ଉନ୍ନତି କରାଯାଇଛି। କୋଟିଆର ପ୍ରତ୍ୟେକ ଗ୍ରାମକୁ ପକ୍କା ରାସ୍ତା ନିର୍ମାଣ ହୋଇଛି । ଶିକ୍ଷା, ସ୍ବାସ୍ଥ୍ୟ, ପାନୀୟ ଜଳ, କୃଷି, ଯୋଗାଯୋଗ ,କର୍ମ ନିଯୁକ୍ତି ଯୋଗାଇବାରେ ଓଡ଼ିଶା ସରକାର ବହୁ ପଦକ୍ଷେପ ଗ୍ରହଣ କରିଛନ୍ତି । ଆଜି କୋଟିଆ କୁ ଏକ ଉନ୍ନତ ମଡେଲ ପଞ୍ଚାୟତରେ ରୂପାନ୍ତରିତ କରାଯାଇଛି ।ବାହାରୁ ଆସୁଥିବା ପର୍ଯ୍ୟଟକ ମାନେ କୋଟିଆ ଅଞ୍ଚଳର ବିକାଶକୁ ଦେଖି ଖୁସି ପ୍ରକଟ କରୁଛନ୍ତି ବୋଲି ଉପସ୍ଥିତ ଅତିଥିମାନେ ମତ ବ୍ୟକ୍ତ କରିଥିଲେ । ଆଗକୁ ଅଧିକ ଉନ୍ନତି କରିବା ପାଇଁ ଜିଲ୍ଲା ପ୍ରଶାସନ ଉଦ୍ୟମ ଜାରି ରଖିଛନ୍ତି ବୋଲି କହିଥିଲେ ।
କୋରାପୁଟ ଜିଲ୍ଲା ପଟ୍ଟାଙ୍ଗି ବ୍ଲକରେ ରହିଛି କୋଟିଆ ପଞ୍ଚାୟତ । ପଞ୍ଚାୟତ ସଦର ମହକୁମାରେ ଉତ୍କଳ ଦିବସ ପାଳନ କରି ସୀମାନ୍ତ ଲୋକଙ୍କୁ
ଆମେ ଓଡ଼ିଆ ,କୋଟିଆ ଓଡ଼ିଶାର ଏହି ବାର୍ତ୍ତା ଦେବାରେ ପ୍ରଶାସନ ଉଦ୍ୟମ କରିଛି ।
ଜିଲା ପ୍ରଶାସନର ସହଯୋଗରେ ପଟାଙ୍ଗି ବ୍ଲକ୍ ପ୍ରଶାସନ କୋଟିଆ ପଞ୍ଚାୟତର ସମସ୍ତ ଗ୍ରାମବାସୀଙ୍କୁ ଏକାଠି କରି ଓଡ଼ିଶା ଦିବସ ପାଳନ କରିଛନ୍ତି । ଓଡ଼ଆ ଭାଷାକୁ କୋଟିଆ ଲୋକଙ୍କ ନିକଟରେ ପହଞ୍ଚାଇବାକୁ ଉଦ୍ୟମ କରିଛନ୍ତି । ଜିଲାପାଳ ଭି କୀର୍ତ୍ତି ୱାସନ, ଜିଲ୍ଲା ପରିଷଦ ଉନ୍ନୟନ ଅଧିକାରୀ ବେଣୁଧର ଶବର , କୋରାପୁଟ ଉପ ଜିଲାପାଳ ପ୍ରେମ ଲାଲ ହିଆଲ, ପଟାଙ୍ଗି ବିଧାୟକ ରାମଚନ୍ଦ୍ର କାଡାମ , କୋରାପୁଟ ବିଧାୟକ ରଘୁରାମ ମାଛ ,ଜିଲା ପରିଷଦ ଅଧ୍ୟକ୍ଷା ସସ୍ମିତାମେଲକା, ଜିଲ୍ଲା ପରିଷଦ ସଦସ୍ୟା ଟିକାଇ ଗେମେଲ ,ଜିଲ୍ଲା ପରିଷଦ ସଦସ୍ୟ ଲଇଚନ ଖରା,ବ୍ଲକ ଅଧ୍ୟକ୍ଷା କଳ୍ପନା ପାଙ୍ଗି , ସରପଞ୍ଚ ଲିୟୁ ଗେମେଲ, ଉପସ୍ଥିତ ରହିଥିଲେ ।
ଏହାସହ ପୂର୍ବତନ ଜିଲ୍ଲାପାଳ ତଥା ଆମ କୋଟିଆ ସଂଗଠନର ଆବାହକ ଗଦାଧର ପରିଡ଼ା ,ପୂର୍ବତନ ମନ୍ତ୍ରୀ ଜୟରାମ ପାଙ୍ଗି,ପୂର୍ବତନ ବିଧାୟକ ପ୍ରଫୁଲ୍ଲ କୁମାର ପାଙ୍ଗି, ପ୍ରମୁଖ ଅତିଥି ଭାବେ ଉପସ୍ଥିତ ରହି ଉପସ୍ଥିତ ସୀମାନ୍ତ ବାସୀଙ୍କୁ ପଡୋଶୀ ଆନ୍ଧ୍ରର ପ୍ରଲୋଭାନରେ ନ ପଡ଼ିବାକୁ ପରାମର୍ଶ ଦେଇଥିଲେ ।
ପ୍ରାକୃତିକ ସମ୍ପଦରେ ଭରପୁର ସୌନ୍ଦର୍ଯ୍ୟ ଭରା ଓଡ଼ିଶାର କୋଟିଆ ଉପରେ ଲୋଲୁପ ଦୃଷ୍ଟି ପକାଇଛି ଆନ୍ଧ୍ର । କୋଟିଆର କିଛି ଅଞ୍ଚଳକୁ ନିଜର ବୋଲି ଦାବୀ କରୁଛି । ଏହାକୁ ନେଇ ସୀମା ବିବାଦ ସୃଷ୍ଟି କରିଛି ଆନ୍ଧ୍ର । ଏହିଁ ବିବାଦ ଏବେ ସୁପ୍ରିମ କୋର୍ଟରେ ଅଛି । ବାରମ୍ବାର କୋଟିଆ ମଧ୍ୟରେ ଅନୁପ୍ରବେଶ କରି ଆନ୍ଧ୍ର ବିଭ୍ରାନ୍ତି ସୃଷ୍ଟି କରିବାକୁ ଉଦ୍ୟମ ଜାରି ରଖିଛି । ଏପରି ସ୍ଥଳେ ଜିଲ୍ଲା ପ୍ରଶାସନ ପକ୍ଷରୁ ନେତା, ବିଧାୟକ, ପଞ୍ଚାୟତ ପ୍ରତିନିଧି,ବୁଦ୍ଧିଜୀବୀ, ବରିଷ୍ଠ ନାଗରିକ,ମହିଳା ଗୋଷ୍ଠୀ, ଗଣ ମାଧ୍ୟମର ପ୍ରତିନିଧି ମାନଙ୍କୁ ଏକାଠି କରି କୋଟିଆ ରେ ଆଡମ୍ବର ରେ ଉତ୍କଳ ଦିବସ ପାଳନ କରିଛି କୋରାପୁଟ ଜିଲ୍ଲା ପ୍ରଶାସନ ।
ଉତ୍କଳ ଦିବସ ପାଳନ କରି ଓଡ଼ିଶା ସରକାର କୋଟିଆ ବାସୀ ଙ୍କ ସହ ରହିଛି ବୋଲି ବିଶ୍ବାସ ଜନ୍ମା ଇଛି ଜିଲ୍ଲା ପ୍ରଶାସନ।ଏହା ସହ ଆନ୍ଧ୍ରକୁ ମଧ୍ୟ କଡା ଜବାବ ଦେବାରେ ସଫଳ ହୋଇଛନ୍ତି ପ୍ରଶାସନ ।