(ପ୍ରତିଫଳନ ମିଡ଼ିଆ)
ସ୍ୱାମୀ ର ଆକ୍ରମଣରେ ସ୍ତ୍ରୀର ମୃତ୍ୟୁ ଘଟିଛି। ସ୍ତ୍ରୀର ମୁଣ୍ଡକୁ ପଥରରେ ମାରି କ୍ଷତାକ୍ତ କରିବା ପରେ ଯନ୍ତ୍ରଣା ରେ ଛଟପଟ ହେଉଥିବା ନୃଶଂସ ସ୍ବାମୀ ର ମନ ବୁଝି ନଥିଲା । ବଞ୍ଚିଯିବ ଭାବି ଧାରୁଆ ଟାଙ୍ଗୀଆ ଓ ଲୁହା ଅସ୍ତ୍ର ରେ ମାଡ଼ ମାରି ଚାଲିଥିଲା।ବାରମ୍ବାର ଆକ୍ରମଣ କରିବା ଫଳରେ ଅତ୍ୟଧିକ ରକ୍ତସ୍ରାବ ହୋଇ ସ୍ତ୍ରୀର ମୃତ୍ୟୁ ଘଟିଥିଲା। ଏବେ ନୃଶଂସହତ୍ୟାକାଣ୍ଡ ଘଟାଇଥିବା ହତ୍ୟାକାରୀ ସ୍ୱାମୀକୁ ଗ୍ରାମବାସୀଙ୍କ ସହାୟତାରେ ପୋଲିସ ନିଜ କଵଜାରେ ରଖିଛି । ସ୍ୱାମୀର ବାରମ୍ବାର ଆକ୍ରମଣରେ ସ୍ତ୍ରୀର ମୃତ୍ୟୁ ଘଟିଥିବା ଘଟଣା ପଟଙ୍ଗି ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ଏମିତି ଲୋମଟାଙ୍କୁରା ଘଟଣା ଘଟିଛି ସୀମାନ୍ତ କୋରାପୁଟ ଜିଲ୍ଲା ପଟ୍ଟାଙ୍ଗି ଥାନା ଅନ୍ତର୍ଗତ ସମ୍ବାଇ ପଂଚାୟତର ଉପର ଘାଟଗୁଡା ଗ୍ରାମରେ । ବାଙ୍ଗୁରୁ ଖରା ବୟସ ୬୦ ବର୍ଷ ନିଜ ସ୍ତ୍ରୀ ଶିଲ ଖରା ବୟସ ୫୫ ବର୍ଷ ଙ୍କୁ ପ୍ରଥମେ ପଥରରେ ମୁଣ୍ଡକୁ ମାରିଥିଲା। ପରେ ଧାରୁଆ ଟାଙ୍ଗିଆ ଓ ବାର୍ଷି ରେ ହାଣି ହତ୍ୟା କରିଥିଲା । ଗାଁ ଠାରୁ କିଛି ଦୂରରେ ର ହିଥିବା ପାହାଡ଼ ନିକଟରେ ଏହି ଘଟଣା ଘଟିଛି। ଏହି ଖବର ଶୁଣିବା ପରେ ସ୍ଥାନୀୟ ପଟ୍ଟାଙ୍ଗି ପୋଲିସ ଓ ପ୍ରଶାସନ ଗାଁ ରେ ପହଂଚି ଆସାମୀ କୁ ଧରିଛି। ଗାଁ ଲୋକଙ୍କ କହିବା ମୁତାବକ ଓ ଆସାମୀ ନିଜେ ମାରିଥିବା ସ୍ବୀକାର କରିବାପରେ ଅଧିକ ପଚାରା ଉଚରା କରିବା ପାଇଁ ପଟ୍ଟାଙ୍ଗି ଥାନା କୁ ଆଣି ପୋଲିସ ଜେରା କରୁଛି ।