ପ୍ରତିଫଳନ ମିଡ଼ିଆ
ଓଡିଶା ସ୍ୱାସ୍ଥ୍ୟ ମିଶନ ପରିଚାଳନା କର୍ମଚାରୀ ସଂଘର ଆଜି ଜୋନାଲ ସ୍ତରୀୟ ବୈଠକ ଜୟପୁରର ଠାରେ ଅନୁଷ୍ଠିତ ହୋଇଯାଇଛି। ଏଥିରେ ଚାରୋଟି ଜିଲ୍ଲା କୋରାପୁଟ, ରାୟଗଡା, ମାଲକାନଗିରି ଓ ନବରଙ୍ଗପୁର ଜିଲ୍ଲାର ଏନଏଚଏମ ର ସମସ୍ତ କର୍ମଚାରୀ ଯୋଗ ଦେଇଥିଲେ। ଏଥିରେ ଦୁଇଟି ଦାବି ନେଇ ବୈଠକରେ ଆଲୋଚନା କରାଯାଇଥିଲା। କାଡେର ଗଠନ କରିବା ଓ ଚାକିରି ନିୟମିତ କରିବା ଦାବି ନେଇ ମାର୍ଚ୍ଚ ୧୦ ଠାରୁ ଭୁବନେଶ୍ୱର ଠାରେ ଅନିର୍ଦ୍ଧିଷ୍ଟ କାଳ ପାଇଁ ଧାରଣା ଦିଆଯିବ ବୋଲି ନିଷ୍ପତି ହୋଇଥିଲା । ଏଥିରେ ସମଗ୍ର ଓଡିଶାର ଏନଏଚଏମର କର୍ମଚାରୀ ଯୋଗ ଦେବେ ଏବଂ ଦାବି ପୂରଣ ନହେଲା ପର୍ଯ୍ୟନ୍ତ ଧାରଣାକୁ ବନ୍ଦ କରାଯିବ ନାହିଁ ବୋଲି ଆଲୋଚନା ହେଇଥିଲା । ଏଥିରେ କୋରାପୁଟ ଜିଲ୍ଲାର ସଭାପତି ମଧୁଲିକା ପାଢ଼ୀ, ରାୟଗଡାର ସଭାପତି କଳ୍ପନା ମିଶ୍ର, ନବରଙ୍ଗପୁର ସଭାପତି ଜଗନ୍ନାଥ ମିଶ୍ର ଏବଂ ମାଲକାନଗିରି ସଭାପତି ବିକାଶ ମିଶ୍ର ଉପସ୍ଥିତ ରହି ନିଜସ୍ଵ ବିଚାର ରଖିଥିଲେ । କାର୍ଯ୍ୟବନ୍ଦ ଆନ୍ଦୋଳନରେ ସାମିଲ ହୋଇ ଭୁବନେଶ୍ବର ଆନ୍ଦୋଳନରେ ସମସ୍ତେ ସାମିଲ ହେବାକୁ ନିଷ୍ପତି ହୋଇଥିଲା । ଫଳରେ ଆଗାମୀ ଦିନରେ ଅବିଭକ୍ତ କୋରାପୁଟ ଜିଲ୍ଲାର ସ୍ଵାସ୍ଥ୍ୟ ସେବା ବିପର୍ଯ୍ୟସ୍ତ ହୋଇପଡିବ ବୋଲି ଆଶଙ୍କା କରାଯାଉଛି । କେନ୍ଦ୍ର ଓ ରାଜ୍ୟ ସରକାରଙ୍କ ସ୍ବାସ୍ଥ୍ୟ ଯୋଜନାର ସୁଫଳ ଲୋକଙ୍କ ନିକଟରେ ପହଞ୍ଚାଇବା ରେ ଏନଏଚ ଏମ ରେ କାମ କରୁଥିବା ଠିକା କର୍ମଚାରୀଙ୍କ ଗୁରୁତ୍ୱ ପୂର୍ଣ୍ଣ ଭୂମିକା ରହିଛି । ଦୀର୍ଘ ବର୍ଷ ଧରି ନିଷ୍ଠାର ସହ ତୃଣମୂଳ ସ୍ତରରେ ସଠିକ ସମୟରେ ସ୍ୱାସ୍ଥ୍ୟ ସେବା ପହଞ୍ଚାଇବା, ସ୍ବାସ୍ଥ୍ୟ ସେବାର ସଠିକ କାର୍ଯ୍ୟକାରିତା ପାଇଁ ବ୍ୟାପକ ସଚେତନତା କରିବା ସହ ସଠିକ ପରିଚାଳନା କରି ଆସୁଛନ୍ତି । ଗତ ସରକାର କର୍ମଚାରୀଙ୍କ ଦାବୀପୁରଣ ନେଇ ଅଣଦେଖା କରିଥିଲେ ।ରାଜ୍ୟରେ ଜନ ପ୍ରିୟ ମୁଖ୍ୟମନ୍ତ୍ରୀଙ୍କ ନେତୃତ୍ବ ରେ ସରକାର ଗଠନ ପରେ ଦାବି ପୂରଣ ହେବ ବୋଲି କର୍ମଚାରୀ ମାନେ ଆଶା ବାନ୍ଧି ରହିଥିଲେ । ଦିନ ଗଡ଼ି ଚାଲିଥିବା ଯୋଗୁଁ ଚାକିରୀ ନିୟମିତ ଓ କ୍ୟାଡ଼ର ଗଠନ ଦାବୀରେ ଆନ୍ଦୋଳନକୁ ଓହ୍ଲାଇବାକୁ ସଂଘ ନିଷ୍ପତି ନେଇଛି।
