(ପ୍ରତିଫଳନ ମିଡ଼ିଆ)
ଚୋରା ଚାଲାଣ ବେଳେ ରାୟଗଡା ଜିଲ୍ଲା ଗୁଣପୁର ଥାନା ଖର୍ଲୀଂ ଗାଁ ନିକଟ ମୁଖ୍ୟ ରାସ୍ତା ରୁ ୬୩୦ କେଜି ଗଂଞ୍ଜେଇ ସହ ବୋଲେରୋ ପିକ୍ଅପ ଗାଡିକୁ ଜବତ କରିଛି ଗୁଣପୁର ପୋଲିସ । ଏଥିସହ ଗାଡି ଚାଳକକୁ ଗିରଫ କରିଛି | ଗିରଫ ଗାଡି ଚାଳକ ଜଣଙ୍କ ହେଲେ ଅଡବା ଥାନା ବିରିକୋଟ ଗାଁ ର ଜୟନ୍ତ ବେହେରା। ସୂଚନା ଅନୁସାରେ ଅଡବା ଥାନା ବିରିକୋଟ ଅଞ୍ଚଳ ରୁ ବେଆଇନ୍ ଗଂଞ୍ଜେଇ ଚୋର ଚାଲାଣ ହୋଇ ଗଜପତି ଅଭିମୁଖେ ଯାଉଥିବା ନେଇ ପୋଲିସ ଖବର ପାଇଥିଲା । ଖବର ଅନୁସାରେ ପୋଲିସ ଖର୍ଲୀଂ ଗାଁ ନିକଟ ରେ ଗାଡି ଅଟକାଇ ଯାଂଚ କରିଥିଲା | ଆଉ ଗାଡି ରେ ଗଞ୍ଜେଇ ଥିବା ଦେଖିବାକୁ ପାଇଥିଲା | ଗାଡି କୁ ଜବତ କରିବା ସହ ମାଜିଷ୍ଟ୍ରେଟ୍ ଙ୍କ ଉପସ୍ଥିତିରେ ଗଂଞ୍ଜେଇ କୁ ଓଜନ କରାଯାଇଛି। ଗାଡି ରେ 630 କେଜି ଗଞ୍ଜେଇ ଥିବା ଜଣାପଡିଛି | ଗାଡି ଚାଳକ କୁ ପୋଲିସ ଗିରଫ କରିଛି | ଅନ୍ୟ ଦୁଇ ଜଣ ଫେରାର ଥିବା କୁହାଯାଉଛି | ଜବତ ଗଞ୍ଜେଇ ର ଆନୁମାନିକ ମୂଲ୍ୟ 10 ଲକ୍ଷ ଟଙ୍କା ରୁ ଉର୍ଦ୍ଧ୍ଵ ହେବା ନେଇ ଜଣାପଡିଛି | ତେବେ ଏହି ଗଂଞ୍ଜେଇ ଚୋରାଚାଲାଣ ପଛରେ କିଙ୍ଗ ପିନ କିଏ ଏଥିରେ କେଉଁମାନଙ୍କ ହାତ ରହିଛି ସମସ୍ତ ବିଷୟକୁ ନେଇ ପୋଲିସ୍ ଅନୁସନ୍ଧାନ ଜାରି ରଖିଛି।
