(ପ୍ରତିଫଳନ ମିଡିଆ)
ଓଡିଶା ପ୍ରଶାସନିକ ସେବା ପରୀକ୍ଷାରେ ଅବିଭକ୍ତ କୋରାପୁଟ ଜିଲ୍ଲାର ବହୁ ଯୁବକଯୁବତୀ ସଫଳତା ହାସଲ କରିଛନ୍ତି । ରାୟଗଡା ଜିଲ୍ଲାର ପଙ୍କଜ ମାଝି, ଲାଖେଶ୍ୱରୀ ମାଝୀ, ଦୀପାରାଣୀ ବେହେରା,ଧୀରେନ୍ଦ୍ର କଣ୍ଡାଗରୀ ସଫଳତା ପ୍ରାପ୍ତ କରିଛନ୍ତି ।
ସେମିତି ଗୁଣପୁର ଉପଖଣ୍ଡ ଅନ୍ତର୍ଗତ ରାମନାଗୁଡା ବ୍ଲକ ଟିକରପଡା ର ଦେବେନ୍ଦ୍ର ଶବର ଓ ଅନ୍ତର୍ଝୋଲି ର ଅନାଦୀ ଶବର ଓ ଗୁଣପୁର ବ୍ଲକ ଟିଟିମିରି ର ବିନୋଦ ଶବର ଓଏଏସ ପରୀକ୍ଷା ରେ କୃତକାର୍ଯ୍ୟ ହୋଇ ସଫଳତା ହାସଲ କରିଛନ୍ତି।
ଗୁଣପୁର ବ୍ଲକ ଟଲଣା ପଞ୍ଚାୟତ ର ପାତିଲି ଗ୍ରାମର ସୁନିଲ ଶବର ମଧ୍ୟ ଏହି ସଫଳତା ପାଇଛନ୍ତି। ପଦ୍ମପୁର ପଞ୍ଚାୟତ ସମିତି କାର୍ଯ୍ୟାଳୟ ,ସାମାଜିକ ସୁରକ୍ଷା ବିଭାଗ ରେ କାର୍ଯ୍ୟରତ ଶ୍ରୀ ବିନୋଦ ଶବର ଓଡ଼ିଶା ସିଭିଲ ସର୍ଭିସ ପରୀକ୍ଷା ରେ ୬୦୦ରାଙ୍କ ରଖି କୃତକାର୍ଯ୍ୟ ହୋଇଛନ୍ତି। ମୁନିଗୁଡା ବ୍ଲକର ସୁନୀଲ କୁମାର କିଲାକା ମଧ୍ୟ ସଫଳତା ପାଇଛନ୍ତି । ସେ ଏବେ ରେଳ ବିଭାଗରେ କାମ କରୁଛନ୍ତି ।
କୋରାପୁଟ ଜିଲ୍ଲାରୁ ନରେଶ ଜାନୀ, ଉତ୍କଳ ରଞ୍ଜନ ବୈପାରି ସଫଳତା ହାସଲ କରିଛନ୍ତି । ମାଲକାନଗିରି ଜିଲ୍ଲାରୁ ଶ୍ୟାମା ମାଢ଼ି ମଧ୍ୟ ସଫଳତା ଅର୍ଜ୍ଜନ କରିଛନ୍ତି ।
ଏଥର ଅବିଭକ୍ତ କୋରାପୁଟ ଜିଲ୍ଲାରୁ ଅନେକ ଅନୁସୂଚିତ ଜନଜାତି ଓ ଅନୁସୂଚିତ ଜାତି ବର୍ଗର ଯୁବକଯୁବତୀଙ୍କ ସଫଳତା ଅଞ୍ଚଳରେ ଖୁସିର ଲହରୀ ଖେଳାଇ ଦେଇଛି । ରାୟଗଡ଼ରୁ ୯ ଜଣ ସଫଳତା ହାସଲ କରି ରେକର୍ଡ ସୃଷ୍ଟି କରିଛନ୍ତି ।