ବିଷମକଟକ(ପ୍ରତିଫଳନ ମିଡିଆ)
୭୦ତମ ରାୟଗଡା ଵନଖଣ୍ଡ ସ୍ତରୀୟ ବନ୍ୟପ୍ରାଣୀ ସପ୍ତାହ ପାଳନ ହୋଇଯାଇଛି । ଏହି ଅବସରରେ ବିଷମକଟକ ବ୍ଲକ କପାପଦର(ଏସଏସଡ଼ି )ଉଚ୍ଚ ବିଦ୍ୟାଳୟକୁ ବୃକ୍ଷରୋପଣ ଏବଂ ପରିବେଶ ସୁରକ୍ଷା ଦିଗରେ ଉଲ୍ଲେଖନୀୟ କାର୍ଯ୍ୟ ପାଇଁ ପ୍ରକୃତି ମିତ୍ର ସମ୍ମାନରେ ସମ୍ମାନିତ ହୋଇଛି । ଅନୁଷ୍ଠାନକୁ ମାନପତ୍ର ସହ ୨୦୦୦୦ ଅର୍ଥ ରାଶି ପ୍ରଦାନ କରାଯାଇଛି । ରାୟଗଡ଼ା ବିଧାୟକ ଆପୁଲ ସ୍ବାମୀ କାଡ୍ରକା, ଜିଲ୍ଲା ପରିଷଦ ଅଧ୍ୟକ୍ଷା ସରସ୍ବତୀ ମାଝୀ ସମେତ ରାୟଗଡା ଡିଏଫଓ ପ୍ରମୁଖ ଉପସ୍ଥିତ ରହି ଏହି ପୁରସ୍କାର ପ୍ରଦାନ କରିଥିଲେ । ଏଥିରେ ପ୍ରଧାନ ଶିକ୍ଷକ ସୁରେଶ ଚନ୍ଦ୍ର ସାହୁ ଖୁସି ବ୍ୟକ୍ତ କରିବା ସହ କର୍ମଚାରୀଙ୍କ ନିଷ୍ଠାପର ଉଦ୍ୟମ ଯୋଗୁଁ ଏହା ସମ୍ଭବ ହୋଇପାରିଲା ବୋଲି କହିଛନ୍ତି ।