(ପ୍ରତିଫଳନ ମିଡିଆ)
ପିଏମ ଶ୍ରୀ କେନ୍ଦ୍ରୀୟ ବିଦ୍ୟାଳୟ ଗୋପାଳପୁର ମିଲିଟାରୀ ଷ୍ଟେସନ ପରିସରରେ ବାର୍ଷିକ ଉତ୍ସବ ଅତି ଧୁମ୍ ଧାମ ରେ ଆୟୋଜିତ ହୋଇଯାଇଛି। ଏହି ଅବସରରେ ମୁଖ୍ୟ ଅତିଥି ଭାବେ କର୍ନଲ ଜିତେନ୍ କେ କୁମାର୍ ଡେପୁଟୀ କମ।ଣ୍ଡଣ୍ଟ , ସମ୍ମାନିତ ଅତିଥି ଭାବେ କର୍ଣ୍ଣେଲ ଜି.ଏସ୍ ସାଇକିରଣ ଓ ବିଦ୍ୟାଳୟର ନୋମିନି ଚେୟାରମ୍ୟାନ୍ କର୍ଣ୍ଣେଲ ମନୋଜ କୁମାର, ପ୍ରଦୀପ ପ୍ରଜ୍ଜ୍ୱଳନ କରି ଉତ୍ସବର ଉଦ୍ଘାଟନ ଓ ସଭାକୁ ସମ୍ବୋଧନ କରିଥିଲେ। ଅନ୍ୟ ମାନଙ୍କ ମଧ୍ୟରେ ବିଦ୍ୟାଳୟ ମ୍ୟାନେଜମେଣ୍ଟ କମିଟିର ସଦସ୍ୟ ଶ୍ରୀ ମୃତ୍ୟଂଜୟ ସ୍ୱାଇଁ, ପ୍ରଦୀପ କୁମାର , ଅଧ୍ୟକ୍ଷ ଆର୍ମି ପବ୍ଲିକ ସ୍କୁଲ,ଡ. ଆର୍ ସି ଜେନା, ଏଵଂ ଶିକ୍ଷକ ଅଭିଭାବକ ମଣ୍ଡଳୀର ସଦସ୍ୟ ଶ୍ରୀ ଗୌରାଙ୍ଗ ବେହେରା ଏବଂ ଶ୍ରୀମତୀ ସସ୍ମିତା ପଣ୍ଡା ଅତିଥି ଭାବରେ ଉପସ୍ଥିତ ଥିଲେ।ଏହି ପରିପ୍ରେକ୍ଷୀରେ ବିଦ୍ୟାଳୟର ଅଧ୍ୟକ୍ଷ ଶ୍ରୀ ବି ଏନ୍ ଦାସ ବାର୍ଷିକ ବିବରଣୀ ପାଠ କରିଥିଲେ ଏବଂ ମୁଖ୍ୟ ଅତିଥିଙ୍କ କରକମଳରେ ନ୍ୟୁଜ୍ ଲେଟର “ପ୍ରୟାସ” ଉନ୍ମୋଚିତ ହୋଇଥିଲା । ଏଥିରେ ବିଦ୍ୟାଳୟର ସମସ୍ତ ବର୍ଗର ଛାତ୍ରଛାତ୍ରୀମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା. ଯେଉଁଥିରେ ଭାରତ ବର୍ଷର ବିଭିନ୍ନ ରାଜ୍ୟର ନୃତ୍ୟ, ସାଇବର ସୁରକ୍ଷା ସମ୍ପର୍କିତ ନାଟକ ଏବଂ ଅର୍ଖେଷ୍ଟ୍ରା ପ୍ରଦର୍ଶିତ ହୋଇଥିଲା । ଶେଷରେ ବିଦ୍ୟାଳୟରେ ହୋଇଥିବା ପ୍ରତିଯୋଗିତାଗୁଡ଼ିକରେ ବିଜୟୀ ହୋଇଥିବା ଛାତ୍ରଛତ୍ରୀମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା। ବିଦ୍ୟାଳୟର ଅଧ୍ୟାପିକା ଶ୍ରୀମତୀ ଆର୍ ବବିତା ଏଵଂ ଶ୍ରୁତି କୀର୍ତ୍ତି ମିଶ୍ର ଉତ୍ସବର ପରିଚାଳନା କରିଥିଲେ।ଏହି ଉତ୍ସବରେ ଏକାଦଶ ଶ୍ରେଣୀର ଛାତ୍ରଛାତ୍ରୀମାନେ ମଞ୍ଚ ପରିଚାଳନା କରିଥିଲେ। ବିଦ୍ୟାଳୟର ସମସ୍ତ ଶିକ୍ଷକଙ୍କ ମିଳିତ ସହଯୋଗରେ ବାର୍ଷିକ କାର୍ଯକ୍ରମ ସୁରୁଖୁରୁରେ ସମ୍ପନ୍ନ ହୋଇଥିଲା ।