(ପ୍ରତିଫଳନ ମିଡିଆ)
ସ୍ଵାମୀ କୁ ଗଛ ରେ ବାନ୍ଧି ସ୍ତ୍ରୀ କୁ ହତ୍ୟା କରିଥିବା ଘଟଣା ର 24 ଘଣ୍ଟା ନ ପୂରୁଣୁ ନନ୍ଦପୁର ପୋଲିସ ଖୋଲିଲା ଗୁମର l ଘର କଳହ କୁ କେନ୍ଦ୍ର କରି ସ୍ୱାମୀ ରଚି ଥିଲା ଷଡଯନ୍ତ୍ର l ପ୍ରଥମ ପର୍ଯ୍ୟାୟ ରେ ମୁଖ୍ୟ ଅଭିଯୁକ୍ତ ସ୍ୱାମୀ ମହେନ୍ଦ୍ର ଖରା ଙ୍କ ସହ ଦୁଇ ସହଯୋଗୀ ଦୁଇ ସାଙ୍ଗ ମାଳିଖୁଡିବି ଗ୍ରାମର ମହେଶ ମାଲି ଏବଂ ସୋମନାଥ ଭୋଇ l ଏମାନେ 8 ଦିନ ପୂର୍ବରୁ ସାବି ଙ୍କୁ ହତ୍ୟା କରିବା ଯୋଜନା କରିଥିଲେ l ଗତକାଲି ହତ୍ୟା କରିବା ପରେ ଲୁଟ ର ଅଭିନୟ କରି ନିଜକୁ ଗଛରେ ବାନ୍ଧି ଘଟଣା କୁ ଚାପିଦେବା ପ୍ଲାନ କରିଥିଲେ l ଆଜି ସୁନାବେଡା ଏସଡି ପି ଓ ମନବ୍ରତୀ ଶତପଥୀଘଟଣାର ପର୍ଦ୍ଦା ଫାଶ କରିଛନ୍ତି ।
ନାଟକୀୟ ଘଟଣାର ଫ୍ଲାସ ବେକ
କୁମାରଗନ୍ଧଣା ପଞ୍ଚାୟତ ହରିଆମୁଣ୍ଡା ଗ୍ରାମ ରେ ଗତକାଲି ସକାଳେ ହରିଆ ମୁଣ୍ଡା ଗ୍ରାମ ର ମହେନ୍ଦ୍ର ଖରା ଓ ସ୍ତ୍ରୀ ସାବି ଖରା ଆଧାର କାର୍ଡ ଅପଡେଟ କରିବା ପାଇଁ ନନ୍ଦପୁର ଜାଇ ସନ୍ଧ୍ୟା ୬ ଟା ସମୟରେ ଘର କୁ ଫେରୁଥିଲେ lଗ୍ରାମ କୁ ପହଞ୍ଚିବାକୁ ମାତ୍ର ଦୁଇକିଲୋମିଟର ରହିଥିବା ବେଳେ ଗ୍ରାମ ନିକଟ ଜଙ୍ଗଲ ରୁ ପାଞ୍ଚ ଜଣ ଦୃର୍ବୁତ୍ତ ହଟାତ୍ ଠେଙ୍ଗା ରେ ଆକ୍ରମଣ କରିଥିଲେ।ଆକ୍ରମଣ ରେ ସ୍ବାମୀ ତଳେ ପଡ଼ି ଅଚେତ ହୋଇ ଯାଇଥିଲେ।ଏହି ସମୟ ଭିତରେ ଦୃର୍ବୁତ୍ତ ମନେ ମହେନ୍ଦ୍ର ଙ୍କୁ ଏକ ଗଛ ରେ ବାନ୍ଧି ସ୍ତ୍ରୀ ସାବି କୁ ହତ୍ୟାକରି ସମସ୍ତ ସୁନା ଗହଣା ଲୁଟି ଫେରାର ହୋଇ ଯାଇଥିଲେ l ମହେନ୍ଦ୍ରଙ୍କ ଚେତା ଫେରିବା ପରେ ଚିତ୍କାର କରିବାରୁ ଜଣେ ବାଇକ୍ ଆରୋହୀ ଘଟଣା ସ୍ଥଳରୁ ମହେନ୍ଦ୍ର ଙ୍କୁ ଉଦ୍ଧାର କରିଥିଲେ l କିନ୍ତୁ ସାବି ଙ୍କ ସୁନା ଗହଣା ଲୁଟି ନେଇ ହତ୍ୟା କରି ରାସ୍ତା କଡରେ ଥିବା ବ୍ରିଜ ନିକଟରେ ଫିଙ୍ଗି ଦେଇ ଚାଲିଯାଇଥିବା ଦେଖିବାକୁ ମିଳିଥିଲା l ଘଟଣା ସମ୍ପର୍କରେ ଜାଣି ଗ୍ରାମବାସି ନନ୍ଦପୂର ପୋଲିସକୁ ଜଣାଇ ଥିଲେ । ନନ୍ଦପୁର ପୋଲିସ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଥିଲା l କୋରାପୁଟ ସାଇଣ୍ଟିଫିକ ଟିମ ଏବଂ ସନ୍ଧାନୀ କୁକୁର ପହଂଚି ତଦନ୍ତ ଆରମ୍ଭ କରିଥିଲା ଏବଂ ପୋଲିସ ଦୁର୍ବୁତ୍ତ ଙ୍କୁ ଧରିବା ପାଇଁ ବିଭିନ୍ନ ଦିଗକୁ ନେଇ ଯାଞ୍ଚ ପ୍ରକ୍ରିୟା ଆରମ୍ଭ କରିବା ସହ ଶବ କୁ ବ୍ୟବଚ୍ଛେଦ ପାଇଁ ନନ୍ଦପୁର କୁ ପଠାଇଥିଲେ।
ଆଜିର ସତ୍ୟ
ନିଜ ସ୍ତ୍ରୀକୁ ମାରିବା ପାଇଁ ଷଡ଼ଯନ୍ତ୍ର କରିଥିଲେ ଖୋଦ ସ୍ବାମୀ । ଏସବୁ ନାଟକ ରଚନା କରିଥିଲେ ନିଜେ ସେ । ପୋଲିସ ଓ ଲୋକଙ୍କୁ ଭୁଆଁ ବୁଲେଇବାକୁ ଚେଷ୍ଟା କରିଥିଲେ । କିନ୍ତୁ ନନ୍ଦପୁର ପୋଲିସ ସ୍ଵାମୀର ଚାଲାଖିକୁ ଧରି ପାରିଥିଲେ ।