(ପ୍ରତିଫଳନ ମିଡିଆ)
ମଣିଷ ଓ ହାତୀ ଭିତରେ ଲଢେଇ ଚାଲିଛି । ଗୁଣୁପୁର ଅଞ୍ଚଳରେ ଏଇ ସଂଘର୍ଷ ଏବେ ବି ଅବ୍ୟାହତ ରହିଛି । ଏବେ ପୁଣି ହାତୀ ଭାଙ୍ଗିଲା ଘର | ଏଥିରେ ଜଣେ ବୃଦ୍ଧା ଆହତ ହୋଇଥିବା ଜଣାପଡିଛି | ଆହତ ମହିଳା ଜଣଙ୍କ ହେଲେ ସୁଭଦ୍ରା ଶବର ବୟସ ପ୍ରାୟ 60 ବର୍ଷ ହେବ ବୋଲି ଜଣାପଡିଛି | ଏଭଳି ଘଟଣା ରାୟଗଡା ଜିଲ୍ଲା ଗୁଣପୁର ବ୍ଲକ ଉପର ସାମ୍ପିନି ଗାଁ ନିକଟ ରେ ଦେଖିବାକୁ ମିଳିଥିଲା | ଗତ କିଛି ଦିନ ହେବ ଏହି ଅଞ୍ଚଳରେ ଏକ ଅଣ୍ଡିରା ହାତୀ ଘୁରି ବୁଲୁଥିଲା | 6 ଟିକିଆ ହାତୀ ପୋଲ ମଧ୍ୟରୁ 4 ଟି ହାତୀ ଏକ ବର୍ଷ ପୂର୍ବେ ଆନ୍ଧ୍ର ମୁହାଁ ହୋଇ ବିଜୁଳି ଆଘାତ ରେ ମୃତ୍ୟୁ ବରଣ କରିଥିଲେ | ଗତ ସେପ୍ଟେମ୍ବର 4 ତାରିଖ ରେ ଆଉ ଗୋଟେ ମାଇ ହାତୀ ବିଦ୍ୟୁତ ସଂଯୋଗ ରେ ଆସି ଫୁଲଫୁଟି ନିକଟରେ ମୃତ୍ୟୁ ଘଟିଥିଲା | ପରେ ବଳକା ଥିବା ଅଣ୍ଡିରା ହାତୀ ଖାଦ୍ୟ ଅନ୍ୱେଷଣ ରେ ଏକାକୀ ହୋଇ ଘୁରି ବୁଲୁଛି | ଗତ କାଲି ସଂଧ୍ୟାରେ ସାମ୍ପିନି ନିକଟ ଏକ ଧାନ ଜମି କୁ ଆସିଥିବା କୁହାଯାଉଛି | ବିଳମ୍ବିତ ରାତିରେ ସାମ୍ପିନି ନିକଟ ଏକ କୁଡିଆ ଘର ଭାଙ୍ଗି ଥିବା ଓ କୁଡିଆ ଘର ଭାଙ୍ଗି ବୃଦ୍ଧା ଆହତ ହୋଇଥିବା ଅଭିଯୋଗ ହୋଇଛି | ଗୁଣପୁର ବନ ବିଭାଗ ଘଟଣାସ୍ଥଳ କୁ ଯାଇ ଅନୁଧ୍ୟାନ କରିଛନ୍ତି |
